وليۆە جيرۋ فرانسيا قۇراماسىنىڭ ۇزدىك مەرگەن ويىنشىسى اتاندى

استانا. قازاقپارات - وليۆە جيرۋ قاتاردا فۋتبولدان ءوتىپ جاتقان الەم چەمپيوناتىنىڭ 1/8 فينالىندا فرانسيا - پولشا ماتچىندا گول سوقتى، دەپ حابارلايدى قازاقپارات ءتىلشىسى.

بۇل - جيرۋدىڭ ۇلتتىق قۇراما ساپىنداعى 52-گولى ەدى.

وسىعان دەيىن ۇزدىك كورسەتكىش اتاقتى شابۋىلشى تەرري انريگە تيەسىلى بولاتىن.

ول سپورت جولىندا قارسىلاستار قاقپاسىنا 51 گول ەنگىزگەن. فرانسيا ساپىندا قازىر دە ويناپ جۇرگەن انتۋان گريزمان ءۇشىنشى ساتىدا تۇر. ونىڭ ەسەبىندە 42 گول بار.

ءسويتىپ وليۆە جيرۋ ت. انريدىڭ رەكوردىن جاڭارتىپ، ءوز ەسىمىن فرانسيا فۋتبولىنىڭ تاريحىنا جازدى.

ەسكە سالا كەتەيىك، بۇدان بۇرىن ليونەل مەسسيدىڭ سپورت كارەراسىندا مىڭىنشى مارتە جاسىل الاڭعا شىققانىن جازعان بولاتىنبىز.

مەسسي باستاعان ارگەنتينا شيرەك فينالعا جولداما الدى.

مەسسي «ۇزدىك ويىنشى» اتاعىن سەگىزىنشى رەت جەڭىپ الىپ، رەكورد ورناتتى.