قىتاي مەن قازاقستان ۇشاق اپاتى كەزىندە جولاۋشىلاردى ىزدەۋ سالاسىندا ىنتىماقتاستىقتى نىعايتادى
قۇجاتتىڭ رەسمي اتاۋى - قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ازاماتتىق اۋە كەمەلەرىن اۆياتسيالىق ىزدەستىرۋ جانە قۇتقارۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى.
قۇجاتتى ق ر يندۋستريا جانە ينفراقۇرىلىمدىق دامۋ ءمينيسترىنىڭ مىندەتىن اتقارۋشى الماز ىدىرىسوۆ تانىستىردى.
ونىڭ سوزىنە قاراعاندا، كەلىسىمنىڭ باستى ماقساتى - ەكى ەل اۋماعىندا اپاتقا ۇشىراعان اۋە كەمەلەرىنىڭ جولاۋشىلارى مەن ەكيپاجدارىن حالىقارالىق ازاماتتىق اۆياتسيا ۇيىمىنىڭ ءىساو ستاندارتى بويىنشا ىزدەستىرۋ.
«مىندەتتەرىنە توقتالسام، اپاتقا ۇشىراعان اۋە كەمەلەرىنىڭ جولاۋشىلارى مەن ەكيپاجىن ىزدەستىرىپ، قۇتقارۋ ءۇشىن مەملەكەتتەردىڭ اراسنىداعى ىنتىماقتاستىقتى نىعايتۋ، اۆياتسيالىق وقيعالار تۋرالى ءوزارا اقپارات الماسىپ، حابارلاۋ، اپات بولعان جاعدايدا ىزدەستىرۋ شارالارىن قابىلداۋ، ەكى تاراپتىڭ ىزدەستىرۋ- قۇتقارۋ قىزمەتتەرىنىڭ بىرلەسكەن وقۋ- جاتتىعۋلارىن، وتكىزىپ، اقپارات پەن تاجىريبە الماسۋ كوزدەلەدى. كەلىسىم بىرلەسكەن ىزدەستىرۋ، قۇتقارۋ وپەراتسيالارىن جۇرگىزۋدىڭ نورماتيۆتىك نەگىزىن، ىزدەستىرۋ اۋداندارىنىڭ شەكاراسىن، كەلىسىمدى ىسكە اسىرۋعا جاۋاپتى قۇزىرەتتى ورگانداردى ايقىندايدى جانە تاراپتاردىڭ وقيعا بولعان جاعدايدا ءوزارا زابار الماسۋىن، ىزدەستىرۋ وپەراتسياسىنا كومەكتەسۋىن قاراستىرادى»، - دەدى الماز ىدىرىسوۆ.
ءماجىلىس دەپۋتاتتارى زاڭ جوباسىن ماقۇلدادى.
