ق ر ۆيتسە-مينيستر رەسەيمەن بىرلەسكەن «گاز وداعى» تۋرالى پىكىر ءبىلدىردى

استانا. قازاقپارات – ق ر سىرتقى ىستەر ۆيتسە-ءمينيسترى رومان ۆاسيلەنكو وزبەكستان، قازاقستان جانە رەسەيدىڭ بىرلەسكەن گاز وداعىن قۇرۋ تۋرالى ۇسىنىسىنا پىكىر ءبىلدىردى، دەپ حابارلايدى قازاقپارات ءتىلشىسى.

«قازاقستان، وزبەكستان، رەسەي اراسىندا «ۇشتىك گاز وداعى» قۇرىلاتىنى تۋرالى اقپارات تاراپ ءجۇر. ءبىز بۇل گاز وداعىن قۇرۋعا كەلىسەمىز بە؟» دەپ سۇرادى ب ا ق وكىلى ءمينيستردىڭ ورىنباسارىنان.

«مەملەكەت باسشىسىنىڭ پىكىرىن ەستىگەن شىعارسىزدار. ول اتالعان يدەيانى ءالى مۇقيات زەردەلەۋ كەرەك دەگەن بولاتىن. بۇل ازىرگە يدەيا عانا. ديپلوماتيادا كوپتەگەن يدەيالار ايتىلادى. سوندىقتان ونداي يدەيالار مەملەكەتتىك شەشىم شىقپاي تۇرىپ مامانداردىڭ تىڭعىلىقتى نازار اۋدارۋىنا لايىق. مەملەكەت باسشىسى ايتقانداي، بۇل يدەيانى ساراپشىلار زەرتتەپ، شەشىم قابىلداۋشىلار دا جان-جاقتى زەردەلەيدى»، - دەدى ۆيتسە- مينيستر.

ەسكە سالا كەتەيىك، اپتا باسىندا قازاقستان مەن رەسەي پرەزيدەنتتەرى كرەملدە «ۇشتىك گاز وداعىن» قۇرۋ ماسەلەسىن تالقىلاعان بولاتىن.