استانادا ەكى ايلىق ءسابيدىڭ باسىنا كۇردەلى وتا جاسالدى

استانا. قازاقپارات - ەلوردادا ۇلتتىق نەيروحيرۋرگيا ورتالىعىنىڭ دارىگەرلەرى ەكى ايلىق ءسابيدىڭ مي ىسىگىن جويۋ ءۇشىن كۇردەلى وپەراتسيا جاسادى. قازىرگى ۋاقىتتا بالا وپەراتسيادان كەيىنگى ەمدەلۋدە، اناسىمەن بىرگە پالاتادا جاتىر، دەپ حابارلايدى.

بالانىڭ اتا- اناسى اۋرۋدىڭ العاشقى بەلگىلەرىن نارەستەنىڭ قاتتى مازاسىزدىعى مەن السىزدىگەنەن كەيىن بايقادى. سونىمەن قاتار، نارەستەنىڭ باسىنىڭ كولەمى ۇلعايىپ، ەڭبەگىنىڭ ءىسىنۋى بايقالدى. بالانىڭ اناسى نيەۆروپاتولوگقا جۇگىندى. ءارى قاراي دارىگەر نەيروسونوگرافياعا جانە باس ميىنىڭ ك ت- سىنا جىبەردى، وندا گيدروتسەفاليا بەلگىلەرى انىقتالدى.

سابيگە العاشقى وپەراتسيا الماتى قالاسىنىڭ №2 قالالىق بالالار اۋرۋحاناسىندا جۇرگىزىلدى. دارىگەرلەردىڭ كەڭەسىمەن ەكىنشى وتا ۇلتتىق نەيروحيرۋرگيا ورتالىعىندا جوسپارلانعان.

بالالار نەيروحيرۋرگياسى ءبولىمىنىڭ مەڭگەرۋشىسى عابيت ءىلياس ۇلى ولەنباي اتاپ وتكەندەي، وپەراتسيانىڭ كۇردەلىلىگى ىسىك وسى جاستاعى بالا ءۇشىن جەتكىلىكتى ۇلكەن (4*3 س م) فۋنكتسيونالدى ماڭىزدى ايماقتا ورنالاسۋىندا بولدى. سونىمەن قاتار، ولىمگە دەيىن اۋىر اسقىنۋلارعا اكەلەتىن وپەراتسيالىق قان جوعالتۋ قاۋپى جوعارى بولدى. ىسىك تۋا بىتكەن جانە بالا قۇرساعىندا پايدا بولعان، بۇل وزدىگىنەن سيرەك كەزدەسەتىن قۇبىلىس بولىپ سانالادى.

«ءبىز ميكروحيرۋرگيالىق ارالاسۋ جاسادىق، وڭ جاق قارىنشانىڭ ارتقى ءمۇيىزىنىڭ قارىنشاىشىلىك ىسىگىن الىپ تاستادىق، وندا بارلىق زاماناۋي ادىستەر قولدانىلدى. سونداي- اق، قىزمەتكەرلەردىڭ جوعارى بىلىكتىلىگى جانە ءبىزدىڭ ورتالىقتىڭ وپەراتسيالىق بلوگىنىڭ جابدىقتالۋى وپەراتسيانىڭ ساتتىلىگىندە ماڭىزدى ءرول اتقاردى. نەيروحيرۋرگيالىق ناۆيگاتسيالىق جۇيەنىڭ باقىلاۋىمەن ءبىز ىسىككە دالدىكپەن جەتىپ، ونى تولىعىمەن الىپ تاستادىق. قازىرگى ۋاقىتتا ءسابي وپەراتسيادان كەيىنگى ەمدەلۋدە، اناسىمەن بىرگە پالاتادا جاتىر. ايتا كەتەرى، وپەراتسيا ءمامس اياسىندا كۆوتالىق نەگىزدە ءوتتى»، - دەدى نەيروحيرۋرگ دارىگەر عابيت ولەنباي.

سونىمەن قاتار، انەستەزيولوگتاردىڭ جوعارى كاسىبيلىگىن اتاپ وتكەن ءجون. وسىنداي كىشكەنتاي پاتسيەنتتەرگە وپەراتسيالار ءارقاشان انەستەزيانى قولدانۋدا ۇلكەن قيىندىقتارمەن بىرگە جۇرەدى. قان، تىنىس الۋدى مۇقيات باقىلاۋ، انەستەزيانى وتە مۇقيات ەسەپتەۋ، بالانىڭ ءومىرى ءۇشىن ۇلكەن جاۋاپكەرشىلىك - مۇنىڭ ءبارى نەيروحيرۋرگيا ورتالىعىنىڭ كوپسالالى ۇجىمىنىڭ موينىنا جۇكتەلدى.

وپەراتسيانى جوعارى ساناتتى بىلىكتى نەيروحيرۋرگ، بالالار نەيروحيرۋرگياسى كافەدراسىنىڭ مەڭگەرۋشىسى، «ۇ ن و» اق پروفەسسورى عابيت ءىلياس ۇلى ولەنباي، سونداي- اق نەيروحيرۋرگ دارىگەر ساپاربەك بازارباي ۇلى سەيتبەكوۆ جۇرگىزدى. سونداي- اق وپەراتسيانى انەستەزيولوگ- رەانيماتولوگ دارىگەر ايگۇل قايىر قىزى جاندەلدينوۆا، ترانسفۋزيولوگ دارىگەر ەربول ناعاشپاي ۇلى قۋانىشيەۆ جانە وپەراتسيالىق مەدبيكە مادينا راحماتۋللا قىزى سۇيەمەلدەدى.