07:25, 29 - قاراشا 2022 | GMT +6
قازگيدرومەت: بۇگىن ەلمىزدىڭ باسىم بولىگىندە اياز، كوكتايعاق بولادى
استانا. قازاقپارات - «قازگيدرومەت» ر م ك-سى 29-قاراشاعا جاسالعان كۇن رايى بولجامىن جاريالادى، دەپ حابارلايدى قازاقپارات.
رەسپۋبليكانىڭ باسىم بولىگى ءالى دە سۋىق سولتۇستىك انتيسيكلوننىڭ ىقپالىندا بولادى، سونىڭ اسەرىنەن كۇن اشىق، الايدا اياز بولادى.
اتموسفەرالىق اعىنداردىڭ وتۋىمەن ەلدىڭ وڭتۇستىگىندە، وڭتۇستىك-باتىسىندا، وڭتۇستىك- شىعىسىندا جاۋىن-شاشىن (جاڭبىر، قار) بولادى، تۇمان ءتۇسىپ، كوكتايعاق بولادى.
ق ر بويىنشا جەل كۇشەيىپ، سولتۇستىك-باتىستا، وڭتۇستىكتىڭ تاۋلى ايماقتارىندا، وڭتۇستىك- شىعىستا تۇمان تۇسەدى.
جەتىسۋ وبلىسىنىڭ سولتۇستىگىندە، شىعىسىندا، تاۋلى اۋداندارىندا جەلدىڭ جالدامدىعى سەكۋندىنا 30 مەترگە جەتەدى كەيدە ءتىپتى ودان دا جوعارى بولادى.
