07:56, 25 - قاراشا 2022 | GMT +6
مول قار جاۋىپ، كوكتايعاق بولادى: جۇما كۇنگى اۋا رايى بولجامى
استانا. قازاقپارات – 25-قاراشادا اتلانتيكا سيكلونىنىڭ وتۋىنە بايلانىستى قازاقستان اۋماعىنىڭ باسىم بولىگىندە قار تۇرىندە جاۋىن-شاشىن ساقتالادى.
ەلدىڭ باتىسىندا جاۋىن-شاشىنسىز كۇن رايى كۇتىلەدى. رەسپۋبليكا بويىنشا تۇمان، كوكتايعاق، جەلدىڭ كۇشەيۋى، سولتۇستىكتە، سولتۇستىك- باتىستا جانە شىعىستا بۇرقاسىن بولجانادى، دەپ حابارلايدى قازاقپارات.
قازگيدرومەت مالىمەتىنشە، اقمولا وبلىسىنىڭ وڭتۇستىك- شىعىسىندا قاتتى جاۋىن-شاشىن (جاڭبىر، قار)، قاراعاندى وبلىسىنىڭ سولتۇستىگىندە، تۇندە سولتۇستىك قازاقستان وبلىسىنىڭ وڭتۇستىگىندە، قوستاناي وبلىسىنىڭ شىعىسىندا، كۇندىز شىعىس قازاقستان وبلىسىنىڭ سولتۇستىك- شىعىسىندا، پاۆلودار وبلىسىنىڭ وڭتۇستىگىندە مول قار جاۋادى.
