07:38, 23 - قاراشا 2022 | GMT +6
اباي جانە جەتىسۋ وبلىستارىندا جولشىلار كۇشەيتىلگەن جۇمىس رەجيمىنە كوشتى
استانا. قازاقپارات - اۋا رايىنىڭ قولايسىزدىعىنا بايلانىستى اباي جانە جەتىسۋ وڭىرلەرىندە جولشىلار كۇشەيتىلگەن جۇمىس رەجيمىنە كوشتى، دەپ حابارلايدى قازاقپارات.
اۋا رايىنىڭ كۇرت وزگەرۋى جول قىزمەتتەرى مەن جۇرگىزۋشىلەرگە قيىندىق تۋعىزىپ وتىر.
بۇگىن تۇندە اتالمىش ەكى ءوڭىر بويىنشا 65 ارنايى تەحنيكا كەزەكشىلىك پەن قىسقى كۇتىپ ۇستاۋ جۇمىستارىن اتقارادى.
«جولداعى احۋال تاۋلىك بويى باقىلاۋدا. جولشىلار رەسپۋبليكالىق تاسجولدا قالعان كولىك يەلەرى مەن جولاۋشىلارعا كومەك كورسەتە باستادى» دەپ حابارلادى «قازاۆتوجول» كومپانياسىنان.
ەسكە سالا كەتەيىك، مۇنىڭ الدىندا «الماتى - وسكەمەن» جولىندا تىركەمەلى جۇك كولىكتەرىنىڭ قوزعالىسىنا تىيىم سالىنعان ەدى.
التىنەمەل اسۋىندا كولىكتىڭ بارلىق تۇرىنە جول جابىلىپ، رەسپۋبليكالىق ماڭىزى بار «سارىوزەك- كوكتال» اۆتوجولىندا شەكتەۋ ەنگىزىلدى.
