شىعىس تانۋشى: قازاقستان - قىتايمەن شەكارالىق ماسەلەنى ءتيىمدى شەشە بىلگەن مەملەكەت
الدە 30 جىل بويى ۇستانىپ كەلە جاتقان كوپۆەكتورلى ساياسات ءوز تيىمدىلىگىن كورسەتىپ جاتىر ما؟
بۇل سۇراققا قازاقستاندىق قوعامدىق دامۋ ينستيتۋتىنىڭ ەكسپەرتى ولجاس بەيسەنباي جاۋاپ بەردى، دەپ جازادى BAQ. KZ ءتىلشىسى.
ورتالىق ازيادا ورنالاسقان قازاقستاننىڭ پوزيتسياسى بۇل تاريحي فاكتور جاعىنان، گەوگرافيالىق جاعىنان دا، گەوساياسي تۇرعىدان دا وتە ماڭىزدى ايماق دەپ ايتۋعا بولادى. ارينە، قازاقستاندى حالىقارالىق ويىننىڭ ەرەجەسىن جاساۋشى نە قۇراۋشى ۇلكەن دەرجاۆالىق مەملەكەت ەمەس، ءبىز وعان قاتىسۋشى ەلىمىز. ءبىراق حالىقارالىق ساياساتتا ءوزىمىزدىڭ ورنىمىز بار دەپ ايتۋعا بولادى، - دەدى ساياساتتانۋشى.
ولجاس بەيسەنباي قازاق- قىتاي اراسىنداعى قارىم-قاتىناستىڭ ەكى ەلگە دە ءتيىمدى باعىتتا ءوربىپ جاتقانىن ايتتى. سونداي- اق قازاقستان سىرتقى ساياساتتا حالىقارالىق ۇيىمدارعا مۇشە بولۋدا نەنى كوزدەيتىنىن ءتۇسىندىردى.
ا ق ش- تىڭ بەلگىلى ساياساتكەرى گەنري كيسسيندجەردىڭ ءوزى قىتايمەن حالىقارالىق قاتىناسىن 50 رەت ارنايى بارىپ وتىرىپ، ءىسساپارلار جاساي وتىرىپ ورناتقانى ءمالىم. ال قازاقستان قىتايمەن شەكارالىق ماسەلەنى، باسقا دا كەلىسىمدەردى ورىندى شەشە بىلگەن مەملەكەت. قىتايمەن شەكارا جاعدايىن ءالى كۇنگە دەيىن شەشە الماي كەلە جاتقان مەملەكەتتەر بار.
ءبىز رەسەيمەن بىرگە بىرنەشە حالىقارالىق ۇيىمنىڭ اراسىندا وداقتاس ەلمىز. جانەدە، تۇركى مەملەكەتتەرىنە مۇشەمىز، يسلام كونفەرەنتسياسى ۇيىمىندا بارمىز. ياعني حالىقارالىق ۇيىمداردان وزىمىزگە ءتيىمدى جاقتارىن، ونىڭ ىشىندە قاۋىپسىزدىك جاعىن، تۇركىلىك يدەنتيفيكاتسيا تۇرعىسىنان دا وزىمىزگە ءتيىمدى ەتىپ وتىرمىز. سوندىقتاندا قازاقستاندا قازىرگى كەزگە دەيىن ورناعان كوپۆەكتورلى ستراتەگيالىق باعىتى قازىرگى VUCA (وزگەرگىش) الەمدە الدەقايدا ۇتىمدى ءارى سەنىمدى دەپ ايتۋعا بولادى، - دەدى ول «ءبىزدىڭ ەل - ءبىزدىڭ تاڭداۋ» ونلاين مارافون بارىسىندا.
