مەملەكەت كەلەشەگىنىڭ جارقىن بولۋىنا ۇلەس قوستىق - اياگۇل ميرازوۆا، قازاقستاننىڭ تۇڭعىش ەڭبەك ەرى
بەلگىلى ۇستاز حالىقتى مەملەكەت كەلەشەگىنىڭ جارقىن بولۋىنا ۇلەس قوسۋعا شاقىردى.
«ءبىزدىڭ مەملەكەتىمىزدى قۇراتىن دا، ونى دامىتاتىن دا، ونى ادىلەتتى ەتەتىن دە، ول - سىزدەر مەن بىزدەر، جاستار. بۇگىن قۇقىعىمىزدى قورعاۋ ءۇشىن ءبىر كىسىدەي داۋىس بەرىپ، بىرلىگىمىزدى، تىرلىگىمىزدى، مەملەكەت كەلەشەگىنىڭ جارقىن بولۋىنا ۇلەس قوستىق»، - دەدى اياگۇل ميرازوۆا.
سونىمەن قاتار، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ءوز تاڭداۋىن جاسادى.
«قازىرگىدەي تورتكىل دۇنيە تەڭسەلىپ تۇرعان شاقتا قاراشانىڭ تاعدىرىن ناعىز مىقتىعا تاپسىرۋىمىز كەرەك. الەمدىك گەوساياسي جاعدايدى ەسكەرەتىن بولساق، ءبىزدىڭ ەلىمىزدىڭ ىشكى جاعدايىن ەسكەرەتىن بولساق، بىزگە ەڭ ءبىرىنشى بىرلىك كەرەك، تۇتاستىق كەرەك، ىنتىماق كەرەك. كەز كەلگەن دۇنيەنى ىنتىماقپەن شەشۋگە بولادى. بۇگىن مەن وسى باعىتتا ءوزىمنىڭ تاڭداۋىمدى جاسادىم»، - دەيدى م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ.
اۆتور
الما مۇقانوۆا
