مايرا مۇحامەد قىزى سايلاۋشىلاردى اسەم انمەن قارسى الدى
«مەن تاعدىرىما ريزامىن. تاۋەلسىزدىكتىڭ ارقاسىندا ءوز وتانىما ورالدىم. قازاقستاندى ونەر ەلشىسىندەي الەم ساحنالارىندا تانىتىپ كەلەمىن. ەشبىر سايلاۋدان قالىس قالماعانمىن. سەبەبى، سايلاۋ - ەلدىكتىڭ نىشانى. ءوز ەلىمىز بار، ءوز جەرىمىز بار، باقىتتى حالىقپىز»، - دەدى وپەرا ءانشىسى.
قازاقستاننىڭ ەڭبەك سىڭىرگەن ءارتىسى، «قۇرمەت»، «وتان» وردەندەرىنىڭ يەگەرى، «تارلان»، ق ر مەملەكەتتىك سىيلىعىنىڭ لاۋرەاتى مايرا مۇحامەد قىزى سايلاۋ ۋچاسكەسىنە وتباسىمەن كەلىپ، ءوز ۇجىمىمەن سايلاۋشىلاردىڭ كوڭىلىن اۋلاپ، ءان شىرقادى.
«ءاربىر ادام حالىققا ءوزىنىڭ قولىنان كەلەتىن ىسپەن قىزمەت ەتۋى ءتيىس. مەن دە بۇگىن قۇر داۋىس بەرىپ قانا قويماي، ۋچاسكە وپەرا جانە بالەت تەاترىندا ورنالاسقان سوڭ، سايلاۋشىلار تەاتردان ءان تىڭداماي شىقپاسىن دەگەن نيەتپەن ۇجىم بولىپ ءان شىرقادىق. سايلاۋ - ۇلكەن ساياسي مەرەكە. قازاقتىڭ قاي مەرەكەسى ءانسىز وتكەن؟!»، - دەدى مايرا مۇحامەد قىزى.
اۆتور
اينۇر اقبايەۆا
