سايلاۋ ۋچاسكەلەرىندەگى راسىمدەر اشىق ءوتىپ جاتىر – ۇلى بريتانيا پارلامەنتىنىڭ وكىلى

استانا. قازاقپارات - سايلاۋ ۋچاسكەلەرىنىڭ جۇمىسىن ۇيىمداستىرۋ تارتىبىنە بايقاۋشىلار جاقسى باعا بەرىپ وتىر.

بۇل تۋرالى ۇلى بريتانيا پارلامەنتى قاۋىمدار پالاتاسىنىڭ جوعارى ساياسي كەڭەسشىسى رەزا تابريزي ايتتى، دەپ حابارلايدى قازاقپارات ءتىلشىسى.

«وسىعان دەيىن قازاقستانعان 2019 -جىلى وتكەن سايلاۋعا بايقاۋشى رەتىندە كەلگەن بولاتىنمىن. اتاپ ايتقاندا، 1992 -جىلدان بەرۋ وسى ەلگە ءجيى ساپارمەن كەلىپ ءجۇرمىن. جالپى بۇگىنگى سالاۋ ناتيجەسى تۋرالى ءالى ايتۋ ەرتەرەك. تاڭەرتەڭنەن بەرى ءۇش ۋچاسكەگە بارىپ ۇلگەردىم. بۇل سايلاۋ ۋچاسكەلەرىندە داۋىس بەرۋ جاقسى قارقىندا ءجۇرىپ جاتىر»، - دەدى ر. تابريزي ەلورداداعى حالىقارالىق بايقاۋشىلارعا قولعابىس كورسەتۋ ورتالىعىنداعى بريفينگىدە.

وسى ورايدا ول سايلاۋ ۋچاسكەلەرىندە زاڭ تالاپتارى ساقتالىپ وتىرعانىن ايتتى.

«سايلاۋ ۋچاسكەلەرىندەگى راسىمدەردىڭ بارلىعى اشىق ءوتىپ جاتقانىن بايقادىق. داۋىس بەرۋ ءۇشىن مۇمكىندىگى شەكتەۋلى جاندارعا ارنايى جاعداي جاسالعان. وسى جۇمىستاردىڭ بارلىعىن بايقاۋشىلار جاقسى باعالاپ وتىر. سايلاۋ ۋچاسكەلەرىنە كەلگەن تۇرعىنداردىڭ دا كوڭىل- كۇيى كوتەرىڭكى ەكەنىن بايقادىق. جالپى، بارشاسى وسى سايلاۋدىڭ اشىق وتكەنىن قالايدى جانە داۋىس بەرۋ ناۋقانى زاڭ تالاپتارىنا سايكەس ءوتۋىنىڭ ماڭىزدىلىعىن جاقسى تۇسىنەمىز. بۇل ءوز كەزەگىندە قازاقستاننىڭ بولاشاعىنا ۇلەسىن قوسا الاتىن جاستار ءۇشىن جاقسى مۇمكىندىك»، - دەدى ۇلى بريتانيا پارلامەنتىنىڭ وكىلى.

بۇدان بۇرىن حابارلانعانداي، ق ر ورتالىق سايلاۋ كوميسسياسىنىڭ مالىمەتىنە قاراعاندا، ساعات 10:00-دەگى جاعداي بويىنشا رەسپۋبليكانىڭ 2792962 ازاماتى بيۋللەتەن الدى. ول تىزىمگە ەنگىزىلەن ازاماتتاردىڭ 23,37 پايىزىن قۇرايدى.

اۆتور

رۋسلان عابباسوۆ