10:04, 20 - قاراشا 2022 | GMT +6
ءماجىلىس سپيكەرى پرەزيدەنت سايلاۋىندا داۋىس بەردى
استانا. قازاقپارات – ق ر پارلامەنت ءماجىلىسىنىڭ ءتوراعاسى ەرلان قوشانوۆ كەزەكتەن تىس پرەزيدەنت سايلاۋىندا داۋىس بەردى، دەپ حابارلايدى قازاقپارات پالاتانىڭ باسپا ءسوز قىزمەتىنە سىلتەمە جاساپ.
سپيكەر ءوز داۋسىن استاناداعى «قازاقستان تەمىر جولى» ۇلتتىق كومپانياسىنىڭ عيماراتىندا ورنالاسقان №110 سايلاۋ ۋچاسكەسىندە بەردى.
«ءبىز بارلىق ءوڭىردى ارالاپ كەلدىك. حالىقتىڭ كوڭىل- كۇيىن كوردىك. سايلاۋعا دەگەن قىزىعۋشىلىعى جوعارى. مەملەكەتىمىزدىڭ بولاشاعى وسى سايلاۋعا بايلانىستى ەكەنىن تۇسىنەدى. سوندىقتان بۇگىن سايلاۋ ۋچاسكەلەرىنە داۋىس بەرۋشىلەر وتە كوپ كەلەدى دەپ ويلايمىن. مەن ەلىمىزدىڭ بولاشاعى، تۇراقتى دامۋى ءۇشىن داۋىس بەردىم»، - دەدى ە. قوشانوۆ.
اۆتور
اقبوپە ءابدراسۋل
