08:40, 19 - قاراشا 2022 | GMT +6
سەنبىدە ەل اۋماعىندا قار جاۋىپ، بوران سوعادى
استانا. قازاقپارات - قازگيدرومەت سينوپتيكتەرى 19-قاراشا، سەنبىگە ارنالعان اۋا رايى بولجامىن جاريالادى.
وعان سايكەس، بۇگىن اتموسفەرالىق فرونتتارعا بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى.
جاڭبىر مەن قار جاۋادى، تۇندە وڭتۇستىكتىڭ تاۋلى اۋداندارىندا قاتتى جاۋىن- شاشىن بولادى.
جوعارى اتموسفەرالىق قىسىم اسەرىنەن ەلدىڭ ورتالىعى مەن شىعىسىندا عانا كۇن اشىق بولادى، جاۋىن جاۋمايدى.
رەسپۋبليكا بويىنشا تۇمان ءتۇسىپ، كوكتايعاق بولادى، جەل كۇشەيەدى.
ەلدىڭ سولتۇستىك- باتىسىندا، سولتۇستىگىندە جاياۋ بۇرقاسىن سوعادى.
تۇندە تۇركىستان وبلىسىنىڭ تاۋلى اۋداندارىندا قار مەن جاڭبىر جاۋادى.
