قاتارداعى الەم چەمپيوناتى كەزىندە ستاديونداردا سىرا ساتىلۋىنا تىيىم سالدى

استانا. قازاقپارات - حالىقارالىق فۋتبول فەدەراتسياسى قاتاردا وتەتىن الەم چەمپيوناتى كەزىندە ستاديونداردا سىرا ساتىلۋىنا تىيىم سالىناتىنىن رەسمي مالىمدەدى.

چەمپيونات 2 كۇننەن كەيىن، 20- قاراشادا باستالادى، دەپ حابارلايدى قازاقپارات FIFA سايتىنا سىلتەمە جاساپ.

«قابىلداۋشى تاراپ بيلىگى مەن FIFA اراسىنداعى كەلىسسوزدەردەن كەيىن قاتارداعى ءا چ-2022 ستاديوندارىنىڭ پەريمەترلەرىنەن سىرا ساتۋ نۇكتەلەرىن الىپ تاستاپ، الكوگولدى ىشىمدىكتەردى جانكۇيەرلەردىڭ وزگە دەمالىس ورىندارى مەن ليتسەنزيالانعان مەكەمەلەردە شوعىرلاندىرۋ تۋرالى شەشىم قابىلداندى.

بۇل Bud Zero (الكوگولسىز سىرا) ساتىلىمىنا ىقپال ەتپەيدى، ول قاتارداعى الەم كۋبوگىنىڭ بارلىق ستاديوندارىندا قولجەتىمدى بولادى.

ۇيىمداستىرۋشى ەل بيلىگى مەن FIFA ستاديوندار مەن ولارعا ىرگەلەس اۋماقتاردىڭ بارلىق جانكۇيەرلەرگە جاعىمدى ءارى جايلى اسەر قالدىراۋىن بۇدان ءارى قاراي دا باقىلاۋدا ۇستايدى.

تۋرنيردى ۇيىمداستىرۋشىلار AB InBev تاراپىنان بىلدىرىلگەن تۇسىنىستىك پەن قاتارداعى FIFA 2022 فۋتبولدان الەم چەمپيوناتى كەزىندە بارشانى قاناعاتتاندىرۋعا دەگەن ورتاق ۇمتىلىسىمىزعا قولداۋ بىلدىرگەنىن باعالايدى»، - دەلىنگەن حالىقارالىق فۋتبول فەدەراتسياسىنىڭ مالىمدەمەسىندە.

ايتا كەتسەك، ستاديونداردا سىرانىڭ ساتىلۋىنا تىيىم سالۋدى قاتار شەيحىنىڭ اۋلەتى تالاپ ەتكەن.

بۇعان دەيىن حابارلانعانىنداي، 20- قاراشا مەن 18- جەلتوقسان ارالىعىندا قاتاردا فۋتبولدان الەم چەمپيوناتى وتەدى.

قازاقستاندىقتار بارلىق ماتچتاردى تىكەلەي ەفيردەن كورە الادى.