ق ر ورتالىق سايلاۋ كوميسسياسىنىڭ ءتوراعاسى قازاقستاندىقتارعا ۇندەۋ جاريالادى
«سايلاۋ» تۋرالى كونستيتۋتسيالىق زاڭنىڭ نورمالارىنا سايكەس، سايلاۋ الدىنداعى ۇگىت-ناسيحات سايلاۋ بولاتىن كۇننىڭ الدىندا جەرگىلىكتى ۋاقىتپەن ساعات 00:00 دە اياقتالادى. وسىلايشا بۇگىن سايلاۋالدى ۇگىتتىڭ سوڭعى كۇنى. سايلاۋ پروتسەسىنە قاتىسۋشىلاردىڭ بارلىعىنىڭ نازارىن، ەرتەڭ ياعني 19- قاراشا - تىنىشتىق كۇنى ەكەنىنە اۋدارعىم كەلەدى. ياعني بۇگىن تۇنگى 00:00 دەن سايلاۋ كۇنىنە دەيىن تىنىشتىق كۇنى جاريالانادى. وسىنى ەستە ساقتاڭىزدار»، - دەدى ن. ءابدىروۆ ورتالىق سايلاۋ كوميسسياسىندا وتكەن جينالىستا.
تىنىشتىق كۇنى سايلاۋالدى ۇگىت-ناسيحاتپەن بايلانىستى كەز كەلگەن ءىس-ارەكەتكە تىيىم سالىنادى جانە ول ءۇشىن زاڭناما مەن قۇقىقتىق جاۋاپكەرشىلىك كوزدەلگەن.
بۇگىنگى و س ك وتىرىسىندا وسى ماسەلەلەر بويىنشا ۋاكىلەتتى جانە قاداعالاۋ ورگاندارىنىڭ اقپاراتى تىڭدالدى. ق ر اقپارات جانە قوعامدىق دامۋ ۆيتسە-ءمينيسترى دانيار قادىروۆ ق ر پرەزيدەنتتىگىنە كانديداتتاردىڭ ب ا ق- تا جۇرگىزگەن سايلاۋالدى ۇگىت قورىتىندىلارىن باياندادى.
