بوران، تۇمان، كوكتايعاق: بىرنەشە وڭىردە اۋا رايىنا بايلانىستى ەسكەرتۋ جاريالاندى

استانا. قازاقپارات - رەسپۋبليكانىڭ توعىز وڭىرىندە 19- قاراشادا بوران، تۇمان جانە كوكتايعاق بولادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

19- قاراشادا سولتۇستىك قازاقستان وبلىسىنىڭ باتىسىندا، وڭتۇستىگىندە، شىعىسىندا جاياۋ بۇرقاسىن بولادى. تۇندە جانە تاڭەرتەڭ وبلىستىڭ باتىسىندا تۇمان تۇسەدى. باتىستان، سولتۇستىك-باتىستان جەل سوعادى، كۇندىز وبلىستىڭ باسىم بولىگىندە ەكپىنى 15-20 م/س.

پەتروپاۆل قالاسىندا كۇندىز 19- قاراشادا باتىستان، سولتۇستىك-باتىستان جەل سوعادى، ەكپىنى 15-20 م/س- كە جەتۋى مۇمكىن.

19- قاراشادا ماڭعىستاۋ وبلىسىنىڭ سولتۇستىك-باتىسىندا، وڭتۇستىگىندە، ورتالىعىنا تۇمان تۇسەدى.

19- قاراشادا تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە، شىعىسىندا تۇمان ءتۇسىپ، كوكتايعاق بولادى. جەل وڭتۇستىك-شىعىستان سولتۇستىك-باتىسقا اۋىسىپ سوعادى، تۇندە وبلىستىڭ سولتۇستىك-باتىسىندا ەكپىنى 15-20 م/س.

ورال قالاسىندا 19- قاراشادا تۇندە جانە تاڭەرتەڭ تۇمان ءتۇسىپ، كوكتايعاق بولادى.

19- قاراشادا اقمولا وبلىسىنىڭ سولتۇستىگىندە، شىعىسىندا، ورتالىعىندا بۇرقاسىن بولادى. وبلىستىڭ سولتۇستىگىندە، شىعىسىنا تۇمان تۇسەدى. وڭتۇستىك-شىعىستان سوعاتىن جەل سولتۇستىك-باتىسقا اۋىسىپ، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س بولادى.

19- قاراشادا تۇندە اقتوبە وبلىسىنىڭ باتىسىندا، سولتۇستىگىندە، كۇندىز سولتۇستىگىندە، شىعىسىندا كوكتايعاق بولۋى ىقتيمال.

اقتوبە قالاسىندا 19- قاراشادا كەي ۋاقىتتا كوكتايعاق بولادى.

19- قاراشادا تۇندە تۇركىستان وبلىسىنىڭ تاۋلى اۋداندارىندا كەي ۋاقىتتا قاتتى جاۋىن-شاشىن (جاڭبىر، قار) بولادى. وبلىستىڭ باتىسىندا، وڭتۇستىگىندە، تاۋلى جانە تاۋ بوكتەرلى اۋداندارىندا تۇمان تۇسەدى. وڭتۇستىك-باتىستان جەل سوعادى، تاۋ اسۋلارىندا كۇشى 15-20 م/س.

شىمكەنت قالاسىندا 19- قاراشادا تۇندە كەي ۋاقىتتا تۇمان تۇسەدى. تۇركىستان قالاسىندا 19- قاراشادا تۇندە كەي ۋاقىتتا تۇمان ءتۇسۋى مۇمكىن.

كۇندىز 19- قاراشادا پاۆلودار وبلىسىنىڭ سولتۇستىگىندە، باتىسىندا بۇرقاسىن بولادى. وڭتۇستىك-باتىستان جەل سوعادى، كۇشى 15-20 م/س.

19- قاراشادا جامبىل وبلىسىنىڭ وڭتۇستىگىندە، تاۋلى اۋداندارىندا تۇمان ءتۇسۋى ىقتيمال. وڭتۇستىك- شىعىستان سوعاتىن جەل وڭتۇستىك-باتىس باعىتقا اۋىسادى، وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا جىلدامدىعى 15-20 م/س، كۇندىز ەكپىنى 23 م/س- كە جەتەدى.

تاراز قالاسىندا 19- قاراشادا تۇندە جانە تاڭەرتەڭ تۇمان تۇسەدى. وڭتۇستىك-شىعىستان سوعاتىن جەل وڭتۇستىك-باتىس جەلىنە اۋىسادى، تاڭەرتەڭ جانە كۇندىز ەكپىنى 15-20 م/س بولادى.

19- قاراشادا قوستاناي وبلىسىنىڭ سولتۇستىك جارتىسىندا قار، بۇرقاسىن بولاتىنى بولجانادى. وبلىستىڭ وڭتۇستىگىندە تۇمان، كوكتايعاق بولۋى ىقتيمال. وڭتۇستىك-باتىستان سوعاتىن جەل سولتۇستىككە اۋىسادى، وبلىستىڭ باتىسىندا، سولتۇستىگىندە ەكپىنى 15-20 م/س جەتەدى.