ساراپشى ايدوس ەربوسىن ۇلىنىڭ دەنساۋلىعى تۋرالى جاقسى جاڭالىقتى ءبولىستى

استانا. قازاقپارات - ESPN تەلەارناسىنىڭ ساراپشىسى جانە ا ق ش- تاعى بوكستىڭ تانىمال شولۋشىلارىنىڭ ءبىرى دەن رافاەل قازاقستاندىق ايدوس ەربوسىن ۇلىنىڭ (16-1، 11 ك و) جاعدايى تۋرالى جاقسى جاڭالىقتى ءبولىستى، - دەپ حابارلايدى Vesti.kz.

دەن رافاەل ءوز دەرەككوزدەرىنە سىلتەمە جاساپ، ەربوسىن ۇلىنىڭ مەديتسينالىق كومادان شىققانىن جانە اۋىر نوكاۋتتان كەيىن جاقسارىپ كەلە جاتقانىن اتاپ ءوتتى.

ەكى اپتادان كەيىن قازاقستاندىقتىڭ دەنساۋلىعى جاقسارا باستاعان. دەن رافاەلدىڭ سوزىنشە، ايدوس سويلەي الاتىن جانە بەلگىلى ءبىر دارەجەدە جۇرە الاتىن كۇيگە جەتىپتى.

ەسكە سالايىق، قازاقستاندىق ايدوس ەربوسىن ۇلى (16-1، 11 ك و) سۋپەر ورتا سالماقتا (76,2 كەلىگە دەيىن) كۋبالىق دەۆيد موررەلمەن (8-0، 7 ك و) جۇدىرىقتاسىپ، 12-راۋندتا اۋىر نوكاۋتقا تۇسكەن ەدى.