مينيسترلىك ەلىمىزگە جۇمىس ىستەۋگە كەلەتىن شەتەلدىك جۇمىسشىلاردىڭ سانىن ازايتپاق

استانا. قازاقپارات - ەڭبەك جانە حالىقتى الەۋمەتتىك قورعاۋ مينيسترلىگى «قازاقستان اۋماعىنا شەتەلدىك جۇمىس كۇشىن تارتۋعا 2023 -جىلعا ارنالعان كۆوتانى بەلگىلەۋ» تۋرالى بۇيرىقتى جاريالادى، دەپ حابارلايدى قازاقپارات ءتىلشىسى.

قۇجاتتا كەلەر جىلى شەتەلدىكتەردى جۇمىسقا تارتۋ ءۇشىن بولىنەتىن كۆوتا سانى قىسقاراتىنى كورسەتىلگەن.

«قازاقستان اۋماعىندا ەڭبەك قىزمەتىن جۇزەگە اسىرۋ ءۇشىن شەتەلدىك جۇمىس كۇشىن تارتۋعا 2023 -جىلعا ارنالعان كۆوتا جەرگىلىكتى اتقارۋشى ورگان جۇمىس بەرۋشىلەرگە بەرەتىن رۇقسات بويىنشا %0,24 مولشەرىندە بەلگىلەنسىن. ەڭبەكشى كوشىپ كەلۋشىلەردى جۇمىسقا تارتۋ %3,2 مولشەرىندە بەكىتىلسىن» دەلىنگەن اشىق تالقىعا شىعارىلعان بۇيرىقتا.

ايتا كەتەيىك، بيىل شەتەلدىكتەرگە بولىنگەن كۆوتا مولشەرى - 0,31 پايىز بولعان ەدى.

ال 2023 -جىلى مينيسترلىك كۆوتانىڭ بۇل ءتۇرىن 0,07 پايىزعا قىسقارتۋدى جوسپارلاپ وتىر.

بۇيرىقتى اشىق تالقىلاۋ 30-قاراشاعا دەيىن جالعاسادى.