قازاقستاننىڭ التى وبلىسىندا بۇرقاسىن، كوكتايعاق، تۇمان بولادى

استانا. قازاقپارات – 17- قاراشادا ەلىمىزدىڭ التى وڭىرىندە ەسكەرتۋ جاريالاندى، دەپ حابارلايدى قازاقپارات.

17- قاراشادا باتىس قازاقستان وبلىسىنىڭ باتىسىندا جاياۋ بۇرقاسىن، وبلىستىڭ سولتۇستىگىندە كوكتايعاق كۇتىلەدى. جەل وڭتۇستىك-شىعىستان سوعادى، تۇندە وبلىستىڭ باتىسىندا، كۇندىز وبلىستىڭ باسىم بولىگىندە جەلدىڭ ەكپىنى 15-20 م/س- قا جەتەدى. ورال قالاسىندا 17- قاراشادا كوكتايعاق بولادى. جەل وڭتۇستىك-شىعىستان سوعادى، كۇندىز ەكپىنى - 18 م/س.

17- قاراشادا جەتىسۋ وبلىسىنىڭ وڭتۇستىگىندە، شىعىسىندا، ورتالىعىندا جانە تاۋلى اۋداندارىندا تۇمان، كوكتايعاق كۇتىلەدى. سولتۇستىك- شىعىستان جەل سوعادى، وبلىستىڭ شىعىسىندا، تاۋلى اۋداندارىندا - 15-20 م/س، كەي ۋاقىتتا ەكپىنى - 23-28 م/س.

17- قاراشادا اباي وبلىسىنىڭ سولتۇستىگىندە، باتىسىندا جاياۋ بۇرقاسىن، كوكتايعاق كۇتىلەدى. جەل باتىستان، وڭتۇستىك- باتىستان سوعادى، وبلىستىڭ باتىسىندا، وڭتۇستىگىندە 15-20، ەكپىنى 23 م/س- قا دەيىن جەتەدى.

17- قاراشادا قىزىلوردا وبلىسىنىڭ سولتۇستىگىندە تۇمان تۇسەدى.

17- قاراشادا تۇركىستان وبلىسىنىڭ باتىسىندا، وڭتۇستىگىندە، تاۋلى جانە تاۋ بوكتەرلى اۋداندارىندا تۇمان تۇسەدى. شىعىستان، وڭتۇستىك-شىعىستان جەل سوعادى، تۇندە تاۋ اسۋلارىندا كۇشى15-20 م/س- قا جەتەدى. شىمكەنت قالاسىندا 17- قاراشادا تۇندە جانە تاڭەرتەڭ كەي ۋاقىتتا تۇمان تۇسەدى. تۇركىستان قالاسىندا 17- قاراشادا تۇندە جانە تاڭەرتەڭ كەي ۋاقىتتا تۇمان كۇتىلەدى.

17- قاراشادا ماڭعىستاۋ وبلىسىندا وڭتۇستىك-شىعىستان جەل سوعادى، وبلىستىڭ باتىسىندا ەكپىنى 15-20 م/س- قا دەيىن جەتەدى. اقتاۋ قالاسىندا 17- قاراشادا وڭتۇستىك-شىعىستان جەل سوعادى، ەكپىنى - 15-20 م/س.