فۋتبولدان قازاقستان- وزبەكستان ماتچى قاشان وتەتىنى بەلگىلى بولدى

استانا. قازاقپارات - فۋتبولدان قازاقستان مەن وزبەكستان قۇرامالارىنىڭ جولداستىق كەزدەسۋى قاي ۋاقىتتا باستالاتىنى بەلگىلى بولدى، دەپ حابارلايدى قازاقپارات ءتىلشىسى.

جولداستىق كەزدەسۋ 16- قاراشا كۇنى، ەلوردا ۋاقىتىمەن 19:00 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

ويىن تاشكەنت قالاسىنداعى «پاحتاكور» ستاديونىندا وتەدى.

قازاقستاندىق فۋتبولشىلار بۇعان دەيىنگى ويىنىن قىركۇيەك ايىندا ۇلتتار ليگاسىندا ازەربايجان قۇراماسىنا قارسى وتكىزگەن ەدى. سوعان قاراماستان ولار ءوز توبىندا ءبىرىنشى ورىنمەن ۆ ديۆيزيونىندا سىنعا تۇسۋگە جولداما الدى. سونداي-اق 2024-جىلعى ەۋروپا چەمپيوناتىندا وتپەلى ويىندارعا قاتىسۋعا مۇمكىندىگى بار.

ال وزبەكستان قۇراماسى قىركۇيەك ايىنىڭ اياعىندا كوستا-ريكامەن جولداستىق كەزدەسۋدە قارسىلاسىنا 1:2 ەسەبىمەن جول بەردى.

ەكى قۇراما بۇعان دەيىن التى مارتە كەزدەستى. ونىڭ بىرەۋىندە قازاقستاندىق فۋتبولشىلار جەڭسە، ەكەۋىندە وزبەكستاندىق قۇراما باسىم ءتۇستى. ءۇش ويىن تەڭ ناتيجەمەن اياقتالدى.

ەسكە سالساق، بۇدان بۇرىن «كاسپي» كومانداسىنىڭ باس باپكەرى تاعايىندالعانىن جازعان بولاتىنبىز.