موڭعوليادا تۇراتىن قانداسىمىز الەم چەمپيوناتىنىڭ كۇمىس جۇلدەگەرى اتاندى
اتالعان ب ا ق- تىڭ مالىمەتىنشە، موڭعوليالىق قىمبات باتاي قىزى ءابۋ- دابيدە (بىرىككەن اراب امىرلىگى) ءوتىپ جاتقان «World Pro JiuJitsu Championship 2022» جارىسىندا كوك بەلبەۋلەر اراسىندا 62 كەلىگە دەيىنگى سالماقتا ونەر كورسەتىپ، الەم چەمپيوناتىنىڭ كۇمىس جۇلدەگەرى اتانعان. جارىس قاراشانىڭ 19-نا دەيىن جالعاسادى.
قىمبات باتاي قىزى بۇعان دەيىن دجيۋ- دجيتسۋدان 2020 -جىلعى موڭعولياداعى ەل بىرىنشىلىگىندە چەمپيون اتانعان.
سونىمەن قاتار «بايان- ولگەي ايماعىندا تۋعان ەرعالي شامەي ۇلى پارا دزيۋدودان الەم چەمپيونى اتاندى» دەپ جازدى موڭعوليالىق ب ا ق.
الەم چەمپيونى اتانعان پارادزيۋدوشى ەرعالي شامەي ۇلى بايان- ولگەي ايماعىندا تۋىپ، قازاقستانعا قونىس اۋدارعان.
ول ازەربايجان استاناسى باكۋدە وتكەن پارادزيۋدودان 2022 -جىلعى الەم چەمپيوناتىنىڭ فينالىندا 73 كەلى سالماقتا ءساتتى ونەر كورسەتىپ، گەرمانيا سپورتشىسى ساسس لەننارتتى جەڭىپ التىن مەدال الدى.
فوتو: kaznews.mn
اۆتور
بەيسەن سۇلتان
