ساباق بولدى. باپكەر ءالىمحان ۇلىن «قۇردىمعا» كەتىرە جازداعان سەبەپتى اشىق ايتتى

استانا. قازاقپارات - امەريكالىق باپكەر باددي ماكگيرت قازاقستاندىق جانىبەك ءالىمحان ۇلىنىڭ (13-0، 8 ك و) بريتانيالىق دەنزەل بەنتليمەن (17-2-1، 14 ك و) وتكەن جەكپە-جەگىنە قاتىستى پىكىر ءبىلدىردى، - دەپ حابارلايدى Allboxing.ru.

13-قاراشادا لاس-ۆەگاستا وتكەن بوكس كەشىندە 29 جاستاعى قازاقستاندىق بوكسشى العاش رەت ورتا سالماقتاعى WBO بەلبەۋىن قورعادى.

«جاقسى ساباق الدىق. بەس رەت قاتارىنان نوكاۋتپەن جەڭگەندە، كەز كەلگەن قارسىلاستى سۇلاتام دەپ ويلاي باستايسىڭ. ول تەك ءبىر سوققىمەن قۇلاتۋدىڭ ءساتىن كۇتتى، كەيىن ءوز-وزىنە كەلدى.

ول الەم چەمپيونى. ءالىمحان ۇلى - ورتا سالماقتاعى ەڭ مىقتى بوكسشى. ول جاساۋ كەرەگىن جاسادى - تيتۋلىن قورعاپ قالدى»، - دەيدى باپكەر.