تۇرمىسى تومەن وتباسىلاردىڭ بالالارىنا ارنايى مەكتەپتەردە وقۋ ءۇشىن كۆوتا بولىنەدى

استانا. قازاقپارات - تۇرمىسى تومەن وتباسىلاردىڭ بالالارىنا «بيل»، «دارىن» جانە مامانداندىرىلعان مەكتەپتەردە وقۋ ءۇشىن جىل سايىن %15 كۆوتا بولىنەدى.

بۇيرىققا وقۋ-اعارتۋ ءمينيسترى اسحات ايماعامبەتوۆ قول قويدى.

«بۇل قۇجات الەۋمەتتىك وسال وتباسىلاردان شىققان بالالارعا مامانداندىرىلعان مەكتەپتەرگە ءتۇسۋ ءۇشىن 15 پايىز كۆوتا الۋعا مۇمكىندىك بەرەدى. ياعني ەندى وسىنداي وتباسىلاردان شىققان 1500 گە دەيىن بالا جاڭا كۆوتا بويىنشا «بيل»، «دارىن» جانە ت. ب. مەكتەپتەرگە وقۋعا تۇسە الادى»، - دەپ جازدى اسحات ايماعامبەتوۆ الەۋمەتتىك جەلىدەگى پاراقشاسىندا.

بۇعان دەيىن ۇلتتىق قوعامدىق سەنىم كەڭەسىنىڭ ۇسىنىستارى اياسىندا كوللەدجدەر مەن جوعارى وقۋ ورىندارىنا تۇسۋگە وسىعان ۇقساس كۆوتالار ەنگىزىلگەن بولاتىن. سول شەشىمنىڭ ارقاسىندا مىڭداعان بالا وقۋعا ءتۇستى.

ايتا كەتەرى، بيىلدان باستاپ ەل تاريحىندا العاش رەت حالىقارالىق پاندىك وليمپيادالاردىڭ 27 جەڭىمپازى 4,5 ميلليون تەڭگەگە دەيىن سىياقى الدى.

sputnik.kz