تۇركى مەملەكەتتەرى ۇيىمى سىرتقى ىستەر مينيسترلەرىنىڭ كەڭەسى ءوتتى
بۇل تۋرالى قازاقپارات س ءى م سىلتەمە جاساپ حابارلايدى.
قازاقستاندىق دەلەگاتسيانى قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى باسقاردى.
س ءى م باسشىسى ءوز سوزىندە قازاقستاننىڭ تۇركى ىنتىماقتاستىق ۇيىمدارى شەڭبەرىندەگى ءوز مىندەتتەمەلەرىنە بەرىك ۇستانىمىن جانە مۇشە مەملەكەتتەردىڭ ىنتىماقتاستىعىن ودان ءارى دامىتۋعا، ەكونوميكالىق جانە مادەني ءوزارا ءىس-قيمىلىن نىعايتۋعا، سونداي-اق ۇيىمنىڭ تيىمدىلىگىن ارتتىرۋعا ۇلەس قوسۋعا دايىن ەكەندىگىن اتاپ ءوتتى.
وتىرىس بارىسىندا قاتىسۋشىلار ت م ۇ مەملەكەتتەرى باسشىلارىنىڭ قاتىسۋىمەن وتەتىن 9-سامميتتىڭ كۇن تارتىبىندەگى ماسەلەلەردى تالقىلادى، اتاپ ايتقاندا، وسى ءىس-شارا بارىسىندا قول قويۋعا جانە قابىلداۋعا جوسپارلانعان قۇجاتتار مەن شەشىمدەردىڭ جوبالارى بەكىتىلدى.
تۇركى مەملەكەتتەرىنىڭ ۇيىمى (ت م ۇ) قازاقستاننىڭ باستاماسىمەن 2009-جىلى ناحچىۆان قالاسىندا (ازەربايجان) قۇرىلدى. ت م ۇ حاتشىلىعى ىستانبۇل قالاسىندا (تۇركيا) ورنالاسقان. قازىرگى ۋاقىتتا ۇيىمعا ازەربايجان، قازاقستان، قىرعىزستان، تۇركيا جانە وزبەكستان كىرەدى. ماجارستان مەن تۇرىكمەنستان باقىلاۋشى مارتەبەگە يە.
