الەم عالىمدارى استانادا بەدەۋلىكتى ەمدەۋ تاسىلدەرىن تالقىلايدى
كونگرەسس ءداستۇرلى تۇردە قازاقستان حالقىنىڭ بەدەۋلىگى مەن رەپرودۋكتيۆتىك دەنساۋلىعىنىڭ ماڭىزدى ماسەلەلەرىن قايتا كوتەرۋ، ەكستراكورپورالدىق ۇرىقتاندىرۋدى (ە ك ۇ) قوسا العاندا، قوسالقى رەپرودۋكتيۆتىك تەحنولوگيالاردىڭ (ق ر ت) قولجەتىمدىلىگى پروبلەمالارىن تالقىلاۋ ءۇشىن جەتەكشى قازاقستاندىق جانە الەمدىك ساراپشىلاردى بىرىكتىرەدى، سونداي-اق وتاندىق جانە شەتەلدىك قاتىسۋشىلارعا ءوز باياندامالارىن ورتاعا سالۋعا مۇمكىندىك بەرەدى.
كونگرەستىڭ جۇمىسىنا قازاقستان رەسپۋبليكاسىنىڭ دەنساۋلىق ساقتاۋ ءمينيسترى اجار عينياتتىڭ، ەلىمىزدىڭ جەتەكشى عىلىمي جانە كلينيكالىق ورتالىقتارى باسشىلارىنىڭ، قازاقستان، پورتۋگاليا، يتاليا، رەسەي، بەلارۋس، يزرايل، ۇلى بريتانيا، جاپونيا، ا ق ش جانە باسقا ەلدەردىڭ رەپرودۋكتيۆتىك تەحنولوگيالار سالاسىنداعى جەتەكشى ماماندارىنىڭ، بەدەۋلىكتى ەمدەۋمەن اينالىساتىن اكۋشەر-گينەكولوگ دارىگەرلەردىڭ، ە ۇ ورتالىقتارى وكىلدەرىنىڭ، اندرولوگتاردىڭ، ەندوكرينولوگتاردىڭ، ەمبريولوگتاردىڭ، گەنەتيكتەردىڭ، بيولوگتاردىڭ قاتىسۋى كۇتىلۋدە.
كونگرەستىڭ اياسىندا قازاقستان، يزرايل، پورتۋگاليا، يتاليا، رەسەي، بەلارۋس، جاپونيا، گرۋزيا، ءۇندىستان ماماندارىنىڭ قاتىسۋىمەن قرت، اكۋشەرلىك جانە گينەكولوگياداعى ەمبريولوگيانىڭ ەڭ وزەكتى ماسەلەلەرى بويىنشا شەبەرلىك ساعاتتارى وتەدى.
كونگرەسس- ورتالىقتىڭ حولدارىندا 40 تان استام وتاندىق جانە شەتەلدىك كومپانيالاردىڭ، ونىڭ ىشىندە ءبىرقاتار قازاقستاندىق ە ك ۇ كلينيكالارىنىڭ كورمەسى اشىلادى.
كونگرەستى ق ر دەنساۋلىق ساقتاۋ مينيسترلىگىنىڭ قولداۋىمەن قازاقستاندىق رەپرودۋكتيۆتىك مەديتسينا قاۋىمداستىعى مەن استانا مەديتسينا ۋنيۆەرسيتەتى ۇيىمداستىرادى.
