پرەزيدەنت سايلاۋىندا ءبىرىنشى رەت داۋىس بەرگەندەرگە سىيلىق بەرىلەمە

استانا. قازاقپارات – ق ر ورتالىق سايلاۋ كوميسسياسىندا كەزەكتەن تىس پرەزيدەنت سايلاۋىندا ءبىرىنشى رەت داۋىس بەرەتىن سايلاۋشىلارعا سىيلىق جاساۋ ءۇشىن قاراجات قاراستىرىلماعان.

بۇل تۋرالى اتالعان كوميسسيا مۇشەسى كونستانتين پەتروۆ ايتتى، دەپ حابارلايدى قازاقپارات ءتىلشىسى.

«مۇنداي سىيلىقتارعا ءبىزدىڭ تاراپتان قاراجات قاراستىرىلماعانى انىق. دەگەنمەن، العاش رەت 18 جاسىمدا داۋىس بەرگەنىم ءالى دە ەسىمدە. ونىڭ ۇستىنە 18 گە تولعانىما 3-4 كۇن وتكەننەن كەيىن داۋىس بەردىم. سايلاۋشىلار تىزىمىندە بولدىم جانە ماعان تەلەفون نومىرلەرىن جازۋعا ارنالعان قويىنداپتەر سىيلاعان ەدى. كادەسىيعا كەلەر بولساق، ءوزىنىڭ سايلاۋشىلارىن بىلەتىن قانداي دا ءبىر سايلاۋ كوميسسياسى توسىنسىي جاساۋى مۇمكىن. ورتالىقتاندىرىلعان بيۋجەت وندايعا قاراستىرىلماعان. سايلاۋ كوميسسيالارى جەكە باستاما جاساۋى مۇمكىن ءارى مۇنداي باستاما مىندەتتى ەمەس»، - دەدى ول كوميسسيا وتىرىسىنان كەيىن وتكەن باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

ەستەرىڭىزگە سالا كەتەيىك، 20- قاراشا كۇنى كەزەكتەن تىس پرەزيدەنت سايلاۋى وتەدى. ال 11- قاراشادا كانديداتتاردىڭ سايلاۋ الدىنداعى تەلەۆيزيالىق پىكىرسايسى ۇيىمداستىرىلادى.