سايلاۋالدى تەلەدەبات وتكىزۋگە قانشا قارجى جۇمسالادى
و س ك وتىرىسىنان كەيىن ۇيىمداستىرىلعان باسپا ءسوز ءماسليحاتىندا ب ا ق وكىلدەرى تەلەدەبات وتكىزۋ ءۇشىن «حابار» تەلەارناسىنا قانشا قاراجات بولىنەتىنىن سۇراعان ەدى.
«حابار» تەلەارناسىنىڭ ءوتىنىمى بويىنشا 63 ميلليون تەڭگە بولىنەدى»، - دەپ جاۋاپ بەردى اناستاسيا شەگورتسوۆا.
«حابار» اگەنتتىگى» ا ق باسقارما ءتوراعاسىنىڭ ورىنباسارى داۋلەتحان جيەنقۇلوۆ بۇل قاراجاتتىڭ قايدا جۇمسالاتىنىن ايتتى.
«بىرىنشىدەن، كەلىسىمشارت جاسالسىن، قاراجات قازىناعا ءتۇسسىن. سودان كەيىن ايتامىز. ەكىنشىدەن، تىكەلەي ەفير كەزىندەگى بايلانىسقا، دەكوراتسياعا، ستۋديا جابدىقتاۋعا، جارىققا جۇمسالادى. بۇل ءبىر رەت قانا بولاتىن ءىس-شارا بولعاندىقتان ارنايى ستۋديا جاسالادى. قوسىمشا ادامداردى جۇمىسقا تارتۋعا دا قارجى جۇمسالادى. ەندى تەلەۆيدەنيەنىڭ تەحنولوگياسىن بىلەتىن ادام اقشانىڭ قايدا جۇمسالاتىنىن بىلەدى دەپ ويلايمىن»، - دەدى ول.
وسى ورايدا اناستاسيا شەگورتسوۆا تەلەارنانىڭ بيىلعى بيۋجەتىندە تەلەدەبات وتكىزۋگە قاراجات قاراستىرىلماعانىن اتاپ ءوتتى.
«بۇل قاراجات ورتالىق سايلاۋ كوميسسياسىنىڭ شىعىندار سمەتاسىندا قاراستىرىلعان. زاڭعا سايكەس، و س ك- ءنىڭ دەبات وتكىزۋگە مۇمكىندىگى بار»، - دەدى و س ك مۇشەسى.
