تاڭعى استىڭ پايداسى مەن ماڭىزىن بىلەسىز بە؟
مامانداردىڭ ايتۋىنشا، تاڭعى استى دۇرىس ءىشۋ كۇنى بويى از تاماقتانۋعا، ادەمى كورىنۋگە، جەڭىل جۇرۋگە ىقپال ەتەدى. ول سالماققا دا اسەر ەتەدى. مايو كلينيكاسىنىڭ زەرتتەۋشىلەرى تاڭعى اس ىشپەگەن ەرەسەكتەردەگى بەل شەڭبەرى كۇندەلىكتى تاڭعى اس ىشەتىن ادامدارعا قاراعاندا ۇلكەن دەگەن قورىتىندىعا كەلگەن.
ساراپشىلار تاڭعى اس ىشۋدەگى قاراپايىم ەرەجەلەردى ساقتاۋعا شاقىرادى.
ويانعاننان كەيىن 30 مينۋت ىشىندە تاماقتانىڭىز
6-8 ساعاتتىق ۇيقىدان كەيىن اش وياناسىز، اعزا «ماعان تاماق كەرەك» دەپ سيگنال بەرەدى. ەگەر ءسىز بىردەڭە پىسىرگىڭىز كەلمەسە كەم دەگەندە ءبىر ستاقان جىلى سۋ ءىشىپ، قايناتىلعان جۇمىرتقا جەۋگە تىرىسىڭىز.
تاڭەرتەڭ تاماق ىشپەگەن ادامداردا مەتابوليزم كۇرت باياۋلايدى. دەمەك، كۇنى بويى تاماق باياۋ سىڭەدى، ءبىراق ماي الدەقايدا بەلسەندى تۇردە جينالادى.
ءبىر ستاقان سۋ ءىشۋدى ۇمىتپاڭىز
ەڭ دۇرىسى، ويانعاننان كەيىن بىردەن ءبىر ستاقان جىلى سۋ ءىشىپ، سودان كەيىن تاڭعى اسقا كىرىسۋ كەرەك. ەگەر ءسىز مۇنداي كولەمدى بىردەن يگەرە الماساڭىز، مۇمكىندىگىنشە ءىشىڭىز.
جىلى سۋ اسقازان- ىشەك جولىنىڭ جۇمىسىن جۇرگىزىپ، ورگانيزمگە سيگنال بەرەدى. وسىنى ادەتكە اينالدىرعان ادامدا كوپ ۇزاماي اس قورىتۋ، ۇيقى بەزى، بۇكىل اسقازان-ىشەك جولدارىنىڭ جۇمىسى ايتارلىقتاي جاقسارادى.
تاڭەرتەڭ كوفە ءىشىڭىز
تولىق تاڭعى اسقا كەرەمەت تابيعي كوفە قاجەت. سۋسىن ويانۋعا، مەتابوليزم جۇمىسىن جاقسارتۋعا كومەكتەسەدى. بۇنى ادەتكە اينالدىرعاندار تەزىرەك ارىقتايدى. ءبىراق كوفە ءسۇتسىز، ءتاتتى سيروپتارسىز جانە قانتسىز بولۋى كەرەك.
تاڭعى اس ءىشۋدى قالاي ادەتكە اينالدىرۋعا بولادى؟
- الدىمەن ۇيقىنىڭ تۇراقتى رەجيمىن قالىپتاستىرۋ كەرەك. ۇيقىسىزدىق كەز-كەلگەن تەڭدەستىرىلگەن تاماقتانۋدىڭ بارلىق پايداسىن جوققا شىعارۋى مۇمكىن.
- تاڭەرتەڭ بارلىق ىسكە ۇلگەرىپ، كۇندى اسىقپاي باستاۋ ءۇشىن وقۋدان نەمەسە جۇمىستان كەم دەگەندە ءبىر جارىم ساعات بۇرىن تۇرۋدى ۇيرەنىڭىز.
- ءبىر ستاقان سۋ، كونتراستتى دۋش جانە جەڭىل جاتتىعۋلار اعزانى وياتىپ، تابەتتى اشادى.
- تاڭعى استى كەشكى ۋاقىتتا دايىنداپ قويساڭىز، ۋاقىت ۇنەمدەۋگە بولادى.
- تاڭەرتەڭگىلىك تابەت بولماسا، كەشكى اس ۋاقىتىن شەگەرىپ، از مولشەردە تۇتىنۋ كەرەك.
- پايدالى دەپ سانالاتىن ونىمدەردىڭ ىشىنەن ەڭ ءدامدى بولىپ كورىنەتىندەرىن تاڭداپ، ءوزىڭىزدى ۇنامايتىن نارسەنى جەۋگە ماجبۇرلەمەڭىز.
- وسىلايشا، تاڭعى اس ءىشۋ سىزگە پسيحيكالىق قيىندىق تۋدىرمايدى جانە اعزا ءۇشىن پايدالى قاجەتتىلىككە اينالادى.
