سينوپتيكتەر الداعى ءۇش كۇننىڭ اۋا رايى بولجامىن جاريالادى

استانا. قازاقپارات - الداعى كۇندەرى قازاقستاننىڭ اۋا رايىنا ىلعالدىڭ ۇلكەن قورى بار از جىلجىمالى سولتۇستىك-باتىس تسيكلونى ىقپال ەتەتىن بولادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

«جاڭبىر مەن قار جاۋادى، 4- قاراشا كۇنى كۇندىز، 5- قاراشا كۇنى تۇندە سولتۇستىك-باتىستا، سولتۇستىكتە، 4- قاراشا كۇنى كۇندىز، 5- قاراشادا تاۋلىك بويى وڭتۇستىكتىڭ، وڭتۇستىك-باتىستىڭ تاۋلى جانە تاۋ بوكتەرلى اۋداندارىندا نوسەر جاۋىن جاۋادى. 5- قاراشادا تۇندە قازاقستاننىڭ وڭتۇستىك-باتىسىندا قاتتى جاڭبىر جاۋۋى ىقتيمال. رەسپۋبليكا بويىنشا تۇمان ءتۇسىپ، كوكتايعاق، سولتۇستىك-باتىس، سولتۇستىك وڭىرلەردە جەل كۇشەيىپ، جاياۋ بۇرقاسىن بولادى. قازاقستان بويىنشا تەمپەراتۋرالىق فوندا كۇرت وزگەرىستەر كۇتىلمەيدى»، - دەلىنگەن سينوپتيكتەردىڭ حابارلاماسىندا.