14:55, 02 - قاراشا 2022 | GMT +6
الماتىدان ىستىقكولگە دەيىنگى جاڭا جولعا ەلەكتروبۋستار شىعارىلۋى مۇمكىن
استانا. قازاقپارات - الماتىدان ىستىقكولگە دەيىنگى قىسقا جولعا ەلەكتروبۋستار شىعارۋ ۇسىنىلدى.
24.kg اقپارات اگەنتتىگىنىڭ جازۋىنشا، كولىك جانە ينفراقۇرىلىمدى دامىتۋ بويىنشا قىرعىز- قازاق جۇمىس توبىنىڭ ەكىنشى وتىرىسى ءوتتى. وندا الماتى - ىستىقكول بالامالى جولىن سالۋ جوباسىنىڭ قازىرگى جاعدايى قارالدى.
ازيا دامۋ بانكى الماتى - ىستىقكول باعىتى بويىنشا ەلەكترلى اۆتوبۋستار ارقىلى تۇراقتى جولاۋشىلار تاسىمالداۋدى ىسكە قوسۋدى ۇسىنىپ وتىر.
ىستىقكولگە باراتىن جولدىڭ جەڭىلدەتىلۋى ول جاقتاعى تۋريستەر اعىنىن ايتارلىقتاي ارتتىرادى. الماتىلىقتار ءۇشىن ىستىقكولگە ساياحات دەمالىس كۇندەرىندەگى مارشرۋتقا اينالۋى مۇمكىن.
