ۇلت ۇستازى بەينەسىن بەينەلەگەن مۇسىنشىگە جۇرت ءسۇيسىندى

استانا. قازاقپارات - احمەت بايتۇرسىن ۇلىنىڭ بەينەسىن دالمە-ءدال جاساعان ءمۇسىنشىنىڭ تۋىندىسى ەلدى ءسۇيسىندىردى.

الەۋمەتتىك جەلىدە قىزۋ تالقىعا ءتۇسىپ جاتقان ءمۇسىننىڭ اۆتورى - ازامات تالاپقان.

بەينەروليكتەن ۇلت ۇستازىنىڭ بەينەسىن انىق، ايقىن كورۋگە بولادى. ءمۇسىننىڭ ءبىر قولىندا تاياعى، ەكىنشى قولىندا كىتاپ بەينەلەنگەن.

ونەرتۋىندىسىنا كوپشىلىك وڭ باعاسىن بەرۋدە.

«بارلىق ءمۇسىندى وسى كىسىگە جاساتۋ كەرەك»، «ءمۇسىن دەگەن وسىنداي بولۋ كەرەك، قونايەۆ اتىمىزدىڭ ءمۇسىنى سەكىلدى ەمەس»، «تەك سىرتقى كەلبەتىن عانا ەمەس، ىشكى جان-دۇنيەسىن دە كورسەتە الىپتى»، - دەپ جازادى الەۋمەتتىك جەلى قولدانۋشىلارى.

الەۋمەتتىك جەلىدەگە جازباعا سۇيەنسەك، بۇل تۋىندىنىڭ قاي جەرگە ەسكەرتكىش رەتىندە ورنالاستىرىلاتىنى ازىرگە بەلگىسىز.

ەستەرىڭىزگە سالا كەتەيىك، بيىل احمەت بايتۇرسىن ۇلىنىڭ تۋعانىنا - 150 جىل تولدى. ۇلتتىڭ ۇلى تۇلعاسىن ۇلىقتاۋعا ارنالعان مەرەكەلىك شارا جانگەلدين اۋدانىنىڭ ورتالىعى تورعايدان باستاۋ العان بولاتىن. وندا تۇلعا ەسكەرتكىشى اشىلىپ، تۋعان جەرى سارىتۇبەكتە اق كەسەنە بوي كوتەرگەن.

سونداي-اق ەلىمىزدىڭ بارلىق وڭىرىندە عىلىمي كونفەرەنسيالار، ساحنالىق قويىلىم، سپەكتاكلدەر ساحنالاندى. حالىقارالىق دارەجەدە بىرنەشە ءىس-شارالار دا ۇلت ۇستازىنىڭ مۇراسى تەك قازاق ولكەسىندە عانا ەمەس، الىس-جاقىن شەتەلدەردە دە كەڭىنەن تانىمال ەكەندىگىنەن حابار بەردى.

وعان قوسا احمەت بايتۇرسىن ۇلى اتىنداعى عىلىم سالاسىنداعى مەملەكەتتىك سىيلىق تاعايىندالىپ، ۇلت مۇددەسىن قورعاۋدا اتسالىسىپ جۇرگەن ازاماتتارعا تاپسىرىلدى.

baq.kz