گرۋزيادان كولىك ساتىپ الاتىن ەلدەردىڭ ىشىندە قازاقستان ءبىرىنشى ورىندا
بۇل تىزىمدە قازاقستان الدىڭعى قاتاردا. وتكەن جىلعا قاراعاندا وسى جىلى وتانداستار كولىكتى ءۇش ەسە كوپ ساتىپ العان، دەپ حابارلايدى «حابار 24» تەلەارناسى.
كاۆكازداعى رۋستاۆي اۆتوبازارىنا ا ق ش، ەۋروپا جانە جاپونيانىڭ كولىكتەرى كەلىپ جاتىر. وسى جەردەگى كولىكتەر باسقا ەلدەرگە جەتكىزىلەدى.
جۇما، سەنبى، جەكسەنبى كۇندەرى مۇندا ونداعان مىڭ ساتىپ الۋشىلار كەلەدى. بيىل اۆتوكولىكتەردىڭ رەەكسپورتى بويىنشا قازاقستان ءبىرىنشى ورىندا. ودان كەيىن قىرعىزستان مەن تاجىكستان.
«بىزدە ورتالىق ازيا ەلدەرىنە رەەكسپورت بويىنشا وتە جاقسى كورسەتكىش بار. ونىڭ ىشىندە قازاقستان ءبىرىنشى ورىندا. وتكەن جىلمەن سالىستىرعاندا رەەكسپورت كورسەتكىشى بەس ەسە ءوستى. ەگەر بۇرىن جالپى العاندا، بىزدەن ورتالىق ازياعا 200-دەن اسا كولىك جەتكىزىلسە، قازىر بۇل كورسەتكىش ايىنا شامامەن، 1500 كولىكتى قۇرايدى»، - دەدى اۆتوبازاردىڭ ماركەتينگ جانە جارناما جونىندەگى ديرەكتورى ستەللا كامانداروۆا.
بيىل رۋستاۆيدەگى كولىك نارىعىنا شىققان كولىكتەر سانى سۇرانىستىڭ ارتۋىنا بايلانىستى 33 پايىزعا ءوستى. سونىڭ ىشىندە بۇل سۇرانىس قازاقستاندىقتار تاراپىنان بار.
«مۇندا كولىك ءتۇرى كوپ. ءتورت مىڭنان التى مىڭعا دەيىن كولىك بار. باسقا ەلگە قاراعاندا وسى جەردەن كولىك ساتىپ الىپ، ونى قازاقستانعا تەز جەتكىزۋگە بولادى»، - دەدى قازاقستاندىق قۋانىش قاليكوۆ.
جىل باسىنان بەرى قازاقستاندىقتار گرۋزيادا 2021 -جىلدىڭ سايكەس كەزەڭىمەن سالىستىرعاندا 270 پايىزعا كوپ كولىك ساتىپ العان. بۇل سوڭعى ونجىلدىقتاعى ەڭ جوعارى كورسەتكىش.
گرۋزيانىڭ اۆتوكولىكتەردىڭ رەەكسپورتىنان تۇسكەن قارجى بيىل 590 ميلليون دوللار. گرۋزيا ورتالىق ازيا ەلدەرىمەن ساۋدا قاتىناستارىن ودان ءارى جاقسارتىپ، لوگيستيكا سالاسىن دامىتۋعا نيەتتى.
