نەگىزگى ۇ ب ت ساۋىردە ءوتۋى مۇمكىن - رۋسلان ەمەلبايەۆ
بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ سۋلەيمان دەميرەل ۋنيۆەرسيتەتىندە وتكەن اشىق ەسىك كۇنىندە ايتتى، دەپ حابارلايدى قازاقپارات.
«كەلەسى ەرەجە بەكىتىلگەنشە نەگىزگى ۇ ب ت ەكى رەت بولىپ قالادى. بيىلعى وقۋ جىلىندا وقۋشىلاردا 5 رەت ۇ ب ت تاپسىرۋعا مۇمكىندىك بار. قاڭتاردا، ناۋرىز، تامىزدا اقىلى نەگىزدە وتەدى جانە ونىڭ سەرتيفيكاتى جوعارى وقۋ ورنىندا اقىلى نەگىزدە وقۋعا جارايدى. سونداي- اق ەكى نەگىزگى ۇ ب ت- نى تاپسىرۋعا مۇمكىندىك بەرىلگەن. تىركەلۋ ونلاين فورماتتا وتەدى، اركىم تەستىلەۋ تاپسىرۋ كۇنىن جانە ۋاقىتىن ءوزى بەلگىلەي الادى»، - دەدى ول.
سونداي- اق ورتالىق ديرەكتورى 2023 -جىلى نەگىزگى ۇ ب ت نەلىكتەن ءساۋىر جانە شىلدە ايلارىندا وتكىزىلەتىنىن ءتۇسىندىردى.
«جىل سايىن نەگىزگى ۇ ب ت مامىر جانە ماۋسىم ايلارىندا وتكىزىلىپ كەلدى. ەندى وعان وزگەرىس ەنگىزگەلى وتىرمىز، جوباسى دايىن. بيىلعى جوسپارىمىز بويىنشا ءبىرىنشى مۇمكىندىككە تىركەلۋدى ناۋرىز ايىندا اشقالى وتىرمىز. العاشقى تەستىلەۋدى ءساۋىر ايىندا وتكىزۋدىڭ بىرنەشە سەبەبى بار. بىرىنشىدەن، مامىر ايىندا مەرەكە كوپ. ەكىنشىدەن، بيىلعى وقۋ جىلىندا 31- مامىردا وتەتىن ماڭىزدى مەرەكە - سوڭعى قوڭىراۋ بار. وقۋشىلاردىڭ بار ويى سوڭعى قوڭىراۋدى تويلاۋدا بولادى»، - دەپ ءتۇسىندىردى رۋسلان توحتار ۇلى.
جاڭا وزگەرىستەرگە مەكتەپ وقۋشىلارى ريزا ەكەنىن جەتكىزدى. 10-سىنىپ وقۋشىسى حاسەن ەليفنۋردىڭ پىكىرىنشە، نەگىزگى تەستىلەۋدىڭ ءساۋىر ايىنا اۋىستىرلۋى وقۋشىلار ءۇشىن ءتيىمدى.
«بۇگىنگى اشىق ەسىك كۇنى ماعان قاتتى ۇنادى، س د ۋ- عا ەكىنشى رەت كەلىپ وتىرمىن. قىزىقتى، ناقتى اقپاراتتار الدىم. ماعان ەڭ ۇناعانى - نەگىزگى ۇ ب ت- نىڭ ءساۋىر ايىنا اۋىستىرىلۋى. ناۋرىز جانە مامىر ايلارىندا مەرەكەلەر وتە كوپ، ءىس- شارالار ءجيى وتەدى، سوندىقتان وقۋشىلاردىڭ ويى سول جاقتا بولادى. ءساۋىر ايىندا وتكىزىلۋى دۇرىس شەشىم دەپ ەسەپتەيمىن. رۋسلان مىرزانىڭ ايتقان شەشىمىن قولدايمىن. سونداي- اق «قازاقستان تاريحى» ءپانى بويىنشا 20 سۇراق، ال «وقۋ ساۋاتتىلىعى» بويىنشا 15 سۇراق بولاتىنى دا ۇنادى. سەبەبى ەلىمىزدىڭ تاريحىن ءبىلۋ وتە ماڭىزدى»، - دەدى وقۋشى.
ۇلتتىق تەستىلەۋ ورتالىعى عىلىم جانە جوعارى ءبىلىم مينيسترلىگىنە ۇسىنعان جاڭا جوبادا ديستراكتورلار (جاۋاپ نۇسقالارى) سانى وزگەرتىلگەن. ياعني ءبىر دۇرىس جاۋابى بار تەست تاپسىرمالارىندا نۇسقالار سانى 5-تەن 4-كە دەيىن، ءبىر نەمەسە بىرنەشە دۇرىس جاۋابى بار تەست تاپسىرمالارىندا (ءۇش دۇرىس جاۋاپتان كوپ ەمەس) نۇسقالار سانى 8-دەن 6-عا دەيىن ازايادى.
سونداي- اق ۇ ت و ديرەكتورى رۋسلان ەمەلبايەۆتىڭ ايتۋىنشا، سۇراقتار سانىندا دا وزگەرىستەر بولادى. «وقۋ ساۋاتتىلىعى» بويىنشا 15 سۇراق: 5 سۇراقتان 3 ءماتىن (200- 350 ءسوز) بەرىلەدى، ال «قازاقستان تاريحى» بويىنشا 20 سۇراق: ءبىر دۇرىس جاۋاپتى 10 تاپسىرما، ءمان ماتىن نەگىزىندە 10 تاپسىرما بەرىلەدى.
ەستەرىڭىزگە سالا كەتەيىك، بۇل وزگەرىستەر قازىرگى تاڭدا تەستىلەۋ ورتالىعى تاراپىنان جوبا رەتىندە ۇسىنىلعان.
رەداكتور
ايدار وسپاناليەۆ
