احمەت بايتۇرسىنوۆ اتىنداعى ارنايى سىيلىق يەگەرى بەلگىلى بولدى
قازىلار القاسىنىڭ شەشىمى بويىنشا «URKER-2022» ۇلتتىق سىيلىعىنىڭ اياسىنداعى ارنايى سىيلىقتار مىنا جۋرناليستەرگە بۇيىردى.
باتىر قازىبايەۆ اتىنداعى ارنايى پرەميا: ايگەرىم بەگىمبەت - ernur.kz.
شەرحان مۇرتازا اتىنداعى ارنايى پرەميا: قالي سارسەنباي - «انا ءتىلى» گازەتى.
احمەت بايتۇرسىنوۆ اتىنداعى ارنايى پرەميا: «قىرعىز ادەبيەتى» جوباسى - «تاڭ-شولپان» جۋرنالى.
جەڭىمپازدارعا «URKER» ەستەلىك مۇسىنشەسى جانە 1 ميلليون تەڭگە مولشەرىندەگى اقشالاي سىيلىق تابىستالدى.
كەشە 13 نوميناتسيا بويىنشا ىرىكتەلگەن فيناليستەردىڭ ەسىمى جاريالانعان بولاتىن.
ۇيىمداستىرۋشىلار ۇسىنعان دەرەك بويىنشا بيىل بۇل بايگەگە 544 ءوتىنىم تۇسكەن. وتىنىمدەردىڭ كوبى «الەۋمەتتىك تاقىرىپتاعى ۇزدىك ماتەريال»، «جىلدىڭ ۇزدىك سۇحباتى»، «جىلدىڭ ۇزدىك اناليتيكا ماتەريالى» جانە «جىلدىڭ ۇزدىك رەپورتاجى» نوميناتسيالارى بويىنشا تۇسكەن.
سول وتىنىمدەردىڭ ىشىنەن 52 نومينانت ىرىكتەلگەن بولاتىن. قازىلار القاسى بۇگىن سولاردىڭ ىشىنەن «URKER-2022» سىيلىعىنا لايىقد ەپ تاپقان جۋرناليستەردىڭ ەسىمىن انىقتادى.
