20:37, 28 - قازان 2022 | GMT +5
قازاقستان پرەزيدەنتى ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىنا قاتىستى
استانا. قازاقپارات - قاسىم-جومارت توقايەۆ ارمەنيا رەسپۋبليكاسىنىڭ ۇسىنىسى بويىنشا وتكەن ۇجىمدىق قاۋىپسىزدىك تۋرالى شارت ۇيىمىنىڭ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىنا بەينەبايلانىس فورماتىندا قاتىستى، دەپ حابارلايدى اقوردانىڭ باسپا ءسوز قىزمەتى.
سونىمەن قاتار سامميتكە ارمەنيا پرەمەر-ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون جانە ۇ ق ش ۇ باس حاتشىسى ستانيسلاۆ زاس قاتىستى.
سەسسيا بارىسىندا ۇ ق ش ۇ- نىڭ ارمەنياعا بيىل 15 - قىركۇيەكتە جىبەرگەن ميسسياسى جۇمىسىنىڭ ناتيجەلەرى تالقىلاندى.
قازاقستان پرەزيدەنتى جيىندا سويلەگەن سوزىندە جانجالدى تەك بەيبىت جولمەن جانە ساياسي-ديپلوماتيالىق تاسىلدەرمەن رەتتەۋ كەرەك ەكەنىن اتاپ ءوتتى.
