قازاقستاننىڭ ون ءۇش ايماعىندا داۋىلدى ەسكەرتۋ جاريالاندى
تاڭەرتەڭ جانە كۇندىز الماتى وبلىسىنىڭ تاۋلى، تاۋ ەتەگىندەگى اۋداندارىندا تۇمان، سولتۇستىگىندە جانە شىعىسىندا 15-20 م/س سولتۇستىك- باتىس جەلى كۇتىلەدى.
قىزىلوردا وبلىسىندا شىعىستان جەل سوعادى، كۇندىز وبلىس ورتالىعىندا ەكپىنى 15-20 م/س بولادى.
سينوپتيكتەر وسى كۇنى اقمولا وبلىسىنىڭ باتىسىندا، سولتۇستىگىندە، شىعىسىندا تۇمان ءتۇسىپ، كوكتايعاق بولادى دەپ بولجادى.
تۇندە ماڭعىستاۋ وبلىسىنىڭ باتىسىندا، كۇندىز ورتالىعىندا قاتتى جاڭبىر جاۋۋى مۇمكىن. شىعىستان، سولتۇستىك- شىعىستان جەل سوعادى.
«28-قازاندا اتىراۋ وبلىسىنىڭ باتىسىندا، وڭتۇستىگىندە وڭتۇستىك- شىعىستان جەل سوعادى، ەكپىنى - 15-20 م/س.
باتىس قازاقستان وبلىسىندا جەل وڭتۇستىك- شىعىستان سوعادى، كۇندىز سولتۇستىك- باتىسىندا، وڭتۇستىگىندە ەكپىنى 15-20 م/س بولادى.
ال استانا قالاسىندا تۇندە تۇمان، كوكتايعاق كۇتىلەدى»، - دەپ جازدى ۆەدومستۆودان.
بۇگىن تۇندە جانە تاڭەرتەڭ تۇركىستان وبلىسىنىڭ وڭتۇستىگىندە جانە تاۋلى اۋداندارىندا تۇمان تۇسەدى. شىعىستان جەل سوعادى، كۇندىز تاۋلى اۋدانداردا كۇشى 15-20 م/س دەيىن بارادى.
تۇندە اباي وبلىسىنىڭ سولتۇستىگىندە، باتىسىندا، ورتالىعىندا تۇمان، كوكتايعاق، جاياۋ بۇرقاسىن كۇتىلەدى. وڭتۇستىك- باتىستان سوعاتىن جەل سولتۇستىك- باتىسقا اۋىسادى، تۇندە وبلىستىڭ سولتۇستىگىندە، باتىسىندا، ورتالىعىندا ەكپىنى - 15-20 م/س.
28-قازاندا تۇندە شىعىس قازاقستان وبلىسىنىڭ سولتۇستىك- شىعىسىندا قاتتى جاۋىن- شاشىن (كوبىنەسە قار) بولادى. وبلىستىڭ سولتۇستىگىندە، شىعىسىندا تۇمان، كوكتايعاق، جاياۋ بۇرقاسىن كۇتىلەدى.
تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان تۇسەدى. باتىستان، وڭتۇستىك- باتىستان جەل سوعادى، تۇندە وبلىستىڭ شىعىسىندا، كۇندىز وبلىستىڭ سولتۇستىگىندە، باتىسىندا، شىعىسىندا ەكپىنى 15-20 م/س دەيىن بارادى.
پاۆلودار وبلىسىندا دا كوكتايعاق، جاياۋ بۇرقاسىن ساقتالادى. باتىستان جەل سوعادى.
