ەۋروپالىقتار كوروناۆيرۋستىڭ جاڭا تولقىنى تۋرالى ەسكەرتىلدى
بۇل تۋرالى ەۋروپالىق ءدارى-دارمەك اگەنتتىگىنىڭ باسشىسى ەسكەرتتى، دەپ حابارلايدى قازاقپارات Euronews-كە سىلتەمە جاساپ.
باسپا ءسوز ءماسليحاتى بارىسىندا اتالمىش اگەنتتىك وكىلدەرى كوروناۆيرۋس پاندەمياسى اياقتالماعانىن جانە وميكرون نۇسقاسى مۋتاتسيانى جالعاستىرىپ جاتقانىن ەسكە سالدى. ولاردىڭ سوزىنشە، كەيبىر مۋتاتسيالار قاتتى الاڭداۋشىلىق تۋدىرىپ وتىر.
«وتكەن اپتادا وميكروننىڭ BQ.1 دەپ اتالاتىن جاڭا نۇسقالارىنىڭ ءبىرى ەۋروپالىق وداق پەن ەۋروپالىق ەكونوميكالىق ايماقتىڭ كەم دەگەندە بەس ەلىندە انىقتالدى. ەۋروپالىق اۋرۋلاردىڭ الدىن الۋ جانە باقىلاۋ ورتالىعىنىڭ مالىمەتى بويىنشا BQ.1, سونداي-اق BQ.1.1 دەپ اتالاتىن ءاربىر توپ بولىكتەرى قاراشانىڭ ورتاسىنان جەلتوقساننىڭ باسىنا دەيىن ۇستەمدىك كورسەتەدى»، - دەدى ماركو كاۆالەري.
كۇزدە جانە قىستا تۇماۋ جانە كوۆيد ۆيرۋستارى ءبىر ۋاقىتتا قاتار جۇرەدى. وسىعان بايلانىستى ەۋروپالىقتارعا ەكى ۆاكسينانى دا، اسىرەسە ءالسىز توپتاعى ادامدارعا ەگۋ ۇسىنىلادى. قولدانىستاعى ۆاكسينالار ازىرگە ءتيىمدى. الايدا، كوروناۆيرۋس تەزىرەك مۋتاتسياعا ۇشىراپ جاتىر، دەيدى عالىمدار.
