بۇگىن ب ا ق سالاسىنىڭ باستى شاراسى - استانا مەديا اپتالىعى باستالادى
Astana Media Week ءۇش كۇن - 26-28-قازان ارالىعىندا وتەدى. ونىڭ بارىسىندا 150 وتاندىق جانە حالىقارالىق سپيكەرلەردىڭ قاتىسۋىمەن 30 دان استام ءىس-شارا وتەدى.
جىلدىڭ باستى تاقىرىبى - «جاڭا ءداۋىر - جاڭا مەديا». تاقىرىپ جوبانىڭ ءۇش قۇندىلىعىن اشۋى ءتيىس: جاڭا داۋىردەگى سەنىم، جاڭا ۋاقىتتاعى كاسىبيلىك جانە ب ا ق-تىڭ ۇزدىكسىز دامۋى.
مەديا اپتا «كونتەنت- ماركەت» كورمەسىنەن باستالادى، وعان رەسپۋبليكالىق جانە وڭىرلىك تەلەارنالار قاتىسادى، سونداي-اق 50 دەن استام پروداكشن- كومپانيا ۇسىنىلادى. جاڭا تەلەباعدارلامالاردى، رەاليتي- شوۋلاردى، مۋلتفيلمدەردى، كوركەم جانە دەرەكتى فيلمدەردى تانىستىرۋ ءۇشىن اشىق پيتچينگ ۇيىمداستىرىلادى. وندا پروداكشن-ستۋديالار ينۆەستورلار مەن ساتىپ الۋشىلاردى تابۋ ماقساتىندا وزدەرىنىڭ ەكسكليۋزيۆتى بەينەكونتەنتىن تانىستىرادى. ال جابىق تاقىرىپتىق پيتچينگتەردى «قازاقستان «ر ت ر ك» ا ق جانە «حابار اگەنتتىگى» ا ق وتكىزەتىن بولادى.
Meta مەديااپتالىقتىڭ جەكە تاقىرىبى رەتىندە قاراستىرىلادى. مەتاعالام بۇل تسيفرلىق شىندىق، ميلليونداعان ادام جەلىدە كەزدەسىپ، ميلليونداعان ۆيرتۋالدى كەڭىستىكتە ءوزارا ارەكەتتەسەتىن 3D ۆيرتۋالدى الەم. مەتانىڭ دامۋى ب ا ق-قا قالاي اسەر ەتەدى؟ قازىرگى تاڭدا مەديا ءۇشىن قانداي ارتىقشىلىعى بار؟ بۇل سۇراقتارعا نەگىزگى پلەنارلىق وتىرىستا ەلىمىزدىڭ بەلگىلى ساياسي قايراتكەرلەرى مەن ءىس-شارانىڭ حەدلاينەرلەرى رەتىندە شاقىرىلعان META جانە TikTok كوماندالارى جاۋاپ بەرەدى. پلەنارلىق سەسسياعا قر اقپارات جانە قوعامدىق دامۋ ءمينيسترى دارحان قىدىرالى، ق ر عىلىم جانە جوعارى ءبىلىم ءمينيسترى ساياسات نۇربەك جانە ارنايى شاقىرىلعان قوناق رەتىندە - قىرعىز رەسپۋبليكاسىنىڭ مادەنيەت، اقپارات، سپورت جانە جاستار ساياساتى ءمينيسترى التىنبەك ماقسۇتوۆ قاتىساتىنى جوسپارلانعان.
ورتالىق ازيا ءوڭىرى قازىر بەلسەندى ساياسي جانە ەكونوميكالىق رەفورمالار كەزەڭىن باستان كەشىرۋدە. وڭ وزگەرىستەرمەن بىرگە حالىقتىڭ ساپالى جانە وبەكتيۆتى اقپاراتقا دەگەن سۇرانىسى ارتىپ كەلەدى. بۇل اقپاراتتىق قوعامداستىقتىڭ الدىندا تۇرعان جالپى سىناق. ءبىرىنشى كۇنى AMW قاتىسۋشىلارى پانەلدىك سەسسيا اياسىندا ازەربايجان، وزبەكستان جانە قىرعىزستان سياقتى ورتالىق ازيا بۇقارالىق اقپارات قۇرالدارىنىڭ وكىلدەرىمەن ورتاق سىن- قاتەرلەرگە ورتاق جاۋاپتاردى قالاي تابۋعا بولاتىنىن تالقىلايدى.
الەۋمەتتىك جەلىلەردە مەديا ونىمدەردى جاسايتىنداردى دا ايتپاي كەتۋ مۇمكىن ەمەس - بۇل جاڭا مەديا وكىلدەرى، ىقپال ەتۋشى - بلوگەرلەر. پىكىرتالاس الاڭىندا بلوگوسالانىڭ ەۆوليۋتسياسى، ينتەرنەت- رەسۋرستاردى مونەتيزاتسيالاۋ ماسەلەلەرى دە تالقىلاناتىن بولادى.
سونىمەن قاتار، 26-قازاندا Astana Media Week اياسىندا Nickelodeon تەلەارناسى مەن Turanews.kz جاڭا اقپارات پورتالىنىڭ تۇساۋكەسەرى وتەدى.
فورۋمنىڭ ەكىنشى كۇنى «قازاقستانداعى جارناما مەديا- نارىعى: قازىرگى جاعدايى» تاقىرىبىنداعى پىكىرتالاس الاڭىنان باستالادى، وندا ورتالىق ازيا جارناما قاۋىمداستىعىنىڭ ساراپشىلارى مەن ءىرى ت ۆ-سەيلز- حاۋستاردىڭ وكىلدەرى 2022 -جىلدىڭ ءبىرىنشى جارتىجىلدىعىنىڭ ناتيجەلەرى بويىنشا جارنامالىق مەديا نارىقتاعى اعىمداعى جاعداي تۋرالى اڭگىمەلەيدى.
سونداي-اق ەكىنشى كۇننىڭ ءبىرىنشى جارتىسىندا «سەريال يندۋسترياسىنىڭ جاڭا كەزەڭى» پانەلدىك سەكسياسىندا وتاندىق پروداكشن-ستۋديالاردىڭ وكىلدەرى، «حابار اگەنتتىگى» ا ق، «قازاقستان «ر ت ر ك» ا ق، «31 ارنا» رەسپۋبليكالىق ارناسى جانە باسقا دا مەديا-ساراپشىلار 2023 -جىلعا ارنالعان جاڭا سەريالارداردىڭ يدەيالارى مەن تاقىرىپتارىن ۇسىناتىن بولادى.
جەكە سەكسيالاردا جۋرناليستەردى دايارلاۋ ماسەلەلەرى تالقىلانادى. بۇل وتە وزەكتى ماسەلە، سەبەبى جۋرناليستەردىڭ كاسىبي قۇزىرەتتىلىگىنىڭ ترانسفورماتسياسى ب ا ق تۋرالى زاڭنىڭ جاڭارۋىنا بايلانىستى ءپىسىپ جەتىلىپ وتىر. سونىمەن قاتار، «جۋرناليست مارتەبەسى» تاقىرىبىندا دوڭگەلەك ۇستەل وتىرىسى وتەدى. وعان سەنات پەن ءماجىلىس دەپۋتاتتارى، سونداي-اق ق ر اقپارات جانە قوعامدىق دامۋ مينيسترلىگىنىڭ، قۇقىق قورعاۋ ۇيىمدارىنىڭ وكىلدەرى قاتىسادى.
27-قازاندا قازاقستاننىڭ بارلىق قالالارىنان مەديا سالانىڭ وكىلدەرى وڭىرلىك ب ا ق فورۋمىندا جينالىپ، سالا ترەندتەرىن، پروبلەمالىق ماسەلەلەرىن جانە ولاردىڭ دامۋ جولدارىن تالقىلايدى.
سونىمەن قاتار، مەديااپتالىقتىڭ ەكىنشى كۇنى 15 جىلدىق مەرەيتويىن اتاپ وتەتىن باس رەداكتورلار كلۋبىنىڭ فورۋمى وتەدى. فورۋمدا ب ا ق مەنەدجمەنتى سالاسىنداعى ءبىلىمدى ارتتىرۋ جانە سالاداعى كادرلىق الەۋەتتى دامىتۋ ماسەلەلەرى تالقىلانادى.
ءۇشىنشى كۇنى قازاقستاننىڭ باسپا ءسوز حاتشىلارى ءۇشىن بولەك سەسسيا جۇمىسى قاراستىرىلعان. بۇل سەسسيا جۋرناليستەرمەن قارىم-قاتىناس جاساۋ، داعدارىس جاعدايىندا جۇمىس ىستەۋ جانە ب ا ق ەتيكاسى تاقىرىپتارىنا ارنالعان سەمينارلار سەرياسى فورماتىندا وتەدى. بارلىق وقۋ ۋوركشوپتارىنىڭ سوڭىندا ۇزدىك باسپا ءسوز حاتشىسى ماراپاتتالىپ، «اقپارات سالاسىنىڭ ۇزدىگى» توسبەلگىسىن تابىستاۋ ءراسىمى وتەدى.
Astana Media Week ءداستۇرلى تۇردە باسپا ءسوز، راديو، ينتەرنەت-جۋرناليستيكا سالاسىنداعى ۇزدىك جەتىستىكتەرى ءۇشىن «ۇركەر» سىيلىعىنىڭ سالتاناتتى راسىمىمەن اياقتالادى.
ءىس-شاراعا www.astanamediaweek.kz سايتى ارقىلى تىركەلۋگە بولادى
