سايلاۋ: قاراقات ابدەندى قولداۋ شتابى اشىلدى
«ق ر پرەزيدەنتتىگىنە كانديدات قاراقات ابدەندى قولداۋ جونىندەگى شتاب جۇمىسىن باستادى. الدىمەن ۇيىمداستىرۋ كوميتەتىنىڭ وتىرىسىن وتكىزىپ، ناقتى تاپسىرمالار بەرىلدى. ەلىمىزدىڭ 20 وڭىرىندە ءبىزدىڭ شتاب جۇمىسقا دايىن. ۇگىت-ناسيحات ماتەريالدارىن ازىرلەۋ، باسقا دا ءتيىستى دايىندىق جۇمىستارى جۇرگىزىلدى. استانا قالاسىنداعى ورتالىق شتابتا 10 عا جۋىق ادام جۇمىس ىستەيدى»، - دەدى شتاب باسشىسىنىڭ ورىنباسارى بەرىك تورەبەكوۆ.
ونىڭ ايتۋىنشا، ۇگىت-ناسيحات جۇمىسى ەلىمىزدىڭ بارلىق وڭىرىندە ونلاين جانە وفلاين فورماتتا وتەدى.
«سونداي-اق كانديداتتى قولداۋعا ارنالعان رەسمي سايت ىسكە قوسىلدى. ودان بولەك، الەۋمەتتىك جەلىلەردە اككاۋنتتار اشىلدى. ول جەردە شتابتىڭ ءىس-شارالارى، سايلاۋشىلارمەن كەزدەسۋلەر جانە ۇگىت-ناسيحات ماتەريالدارى ورنالاستىرىلادى»، - دەيدى ول.
ەسكە سالساق، 7- قازاندا «كاسىبي الەۋمەتتىك جۇمىسكەرلەر ۇلتتىق اليانسى» رەسپۋبليكالىق قوعامدىق بىرلەستىگى كەزەكتەن تىس پرەزيدەنت سايلاۋىنا قاراقات ابدەننىڭ كانديداتۋراسىن ۇسىنعان بولاتىن.
19- قازان كۇنى ق ر ورتالىق سايلاۋ كوميسسياسى پرەزيدەنت سايلاۋىنا قاراقات ابدەندى كانديدات رەتىندە رەسمي تىركەدى.
