قازاقستان تاعى ءبىر مەملەكەتپەن ۆيزاسىز رەجيم ورناتۋدا
«ق ر سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ ديرەكتورى باۋىرجان اقاتايەۆ بەليز سىرتقى ىستەر مينيسترلىگىنىڭ حالىقارالىق قاتىناستار جانە ىنتىماقتاستىق دەپارتامەنتىنىڭ ديرەكتورى ورلا كانتۋن كولمانمەن العاشقى كونسۋلدىق كونسۋلتاتسيالار وتكىزدى.
تاراپتار دوستىق قارىم- قاتىناستاردى ودان ءارى نىعايتۋ مۇمكىندىگىن ۇلكەن قىزىعۋشىلىقپەن اتاپ، العاشقى ءارى ماڭىزدى قادامداردىڭ ءبىرى رەتىندە ەكى ەلدىڭ ديپلوماتيالىق، رەسمي جانە قىزمەتتىك پاسپورتتارىنىڭ يەلەرى ءۇشىن ۆيزالىق رەجيمدى جەڭىلدەتۋ تۋرالى ۇكىمەتارالىق كەلىسىمگە قول قويۋعا ۋاعدالاستى»، - دەلىنگەن ق ر س ءى م مالىمەتىندە.
ب. اقاتايەۆ قازاقستاننىڭ سىرتقى ساياسي ۆەدومستۆوسىنىڭ كاريب قوعامداستىعى (CARICOM) وڭىرىمەن ءتۇرلى سالالارداعى بايلانىستاردى ودان ءارى تەرەڭدەتۋ نيەتى تۋرالى جانە ۇكىمەتارالىق قۇجاتتارعا قول قويۋ ونىڭ تىكەلەي راستاۋى بولىپ تابىلاتىنىن جەتكىزدى.
ءوز كەزەگىندە و. كانتۋن كولمان ەكى ەل اراسىنداعى قارىم-قاتىناستا تاڭدالعان باعىتتىڭ ماڭىزدىلىعىنا نازار اۋدارىپ، حالىقارالىق شارتتى تەز ارادا كەلىسۋگە بار كۇشىن سالۋعا دايىن ەكەنىن ءبىلدىردى.
