ءاليحان سمايىلوۆ بالالارىنىڭ قانداي مەكتەپتە وقيتىنىن ايتتى
ماجىلىستە تىلشىلەر ۇكىمەت باسشىسىنان «ەلدەگى ءبىلىم جانە دەنساۋلىق ساقتاۋ سالالارىنا سەنەسىز بە؟» دەپ سۇرادى.
«ارينە، ەلدەگى بىلىمگە دە، دەنساۋلىق ساقتاۋ سالاسىنا دا سەنىم ارتامىز. جەكە ءوزىم جانە وتباسىم وسىندا، قازاقستاندا ەمدەلەمىز. مەن الماتىدا ءال-فارابي اتىنداعى قاز ۇ ۋ- دا ءبىلىم الدىم. بالالارىم قازىر استانادا مەملەكەتتىك مەكتەپتە وقىپ جاتىر»، - دەدى ۇكىمەت باسشىسى تىلشىلەرگە بەرگەن سۇحباتىندا.
بۇعان دەيىن ق ر عىلىم جانە جوعارى ءبىلىم ءمينيسترى ساياسات نۇربەكتىڭ ءوز بالالارىن كيپردەگى مەكتەپتە وقىتاتىنى قوعامدىق تالقىعا تۇسكەن ەدى.
14- ماۋسىمدا عىلىم ءمينيسترى بالالارىن نەگە شەتەلدە وقىتقانىن ءتۇسىندىرىپ، 26- ماۋسىم كۇنى وتباسىن ەلگە اكەلەتىنىن ايتقان.
الايدا قىركۇيەك ايىندا س. نۇربەك بالالارىنىڭ تاڭداۋىنا قۇرمەتپەن قارايتىنىن، ولاردىڭ كيپردە ءبىلىم الۋدى جالعاستىراتىنىن جەتكىزدى.
