قازگيدرومەت قاراشا ايىنا ارنالعان اۋا رايى بولجامىن جاريالادى

استانا. قازاقپارات - قازگيدرومەت قاراشا ايىنا ارنالعان اۋا رايى بولجامىن جاريالادى، دەپ حابارلايدى قازاقپارات.

قاراشا ايىندا رەسپۋبليكانىڭ بۇكىل اۋماعىنداعى اۋا تەمپەراتۋراسى كليماتتىق نورما شاماسىندا بولجانادى. قاراشادا ق ر باتىس جارتىسىندا نورمادان از، شىعىسىندا - نورماعا جۋىق.

باريكالىق تۇزىلىمدەر مەن سينوپتيكالىق پروتسەستەردىڭ ءجيى وزگەرۋىمەن ءبىر اي ىشىندە اۋا تەمپەراتۋراسىنىڭ اۋىتقۋى، تۇمان جانە كوكتايعاق قۇبىلىستارى بولجانادى، ال قار جامىلعىسىنىڭ ورناتىلۋىمەن جانە ەلدىڭ سولتۇستىگىندە جەلدىڭ كۇشەيۋىمەن بۇرقاسىن بولۋى مۇمكىن.

قاراشانىڭ ءبىرىنشى ون كۇندىگىندە ءالى دە جىلى اۋا رايى ساقتالادى، الايدا ايدىڭ ەكىنشى جانە ءۇشىنشى ون كۇندىگىندە قازاقستان اۋماعىنا سولتۇستىك تەڭىز، باتىس جانە شىعىس ءسىبىر اۋداندارىنان سۋىق اۋا ماسسالارى ءجيى ەنەتىن بولادى.

وسىلايشا: ەلدىڭ باتىس وڭىرلەرىندە اۋا تەمپەراتۋراسى تۇندە 3+10+ گرادۋستان 5-17- گرادۋسقا دەيىن، كۇندىز 12+22+ گرادۋستان 2-10- گرادۋسقا دەيىن بىرتىندەپ تومەندەيدى. ايدىڭ سوڭىندا اۋا تەمپەراتۋرانىڭ ازداپ كوتەرىلۋى بولجانۋدا؛

ق ر سولتۇستىك، ورتالىق جانە شىعىس وڭىرلەرىندە ءبىرىنشى ون كۇندىكتە اۋا تەمپەراتۋراسىنىڭ تۇندە 0,10- گرادۋستان 0,5+ گرادۋسقا دەيىن، كۇندىز 0,5+ گرادۋستان 5+15+ گرادۋسقا دەيىن اۋىتقۋى كۇتىلەدى.

ەكىنشى جانە ءۇشىنشى ون كۇندىكتەردە اۋا تەمپەراتۋراسى تۇندە 15-20- گرادۋسقا دەيىن، كۇندىز 5-12- گرادۋسقا دەيىن تومەندەيدى؛ وڭتۇستىكتە، وڭتۇستىك-شىعىستا ءبىرىنشى ون كۇندىكتە كۇندىزگى اۋا تەمپەراتۋراسى 12+20+ گرادۋس بولادى دەپ كۇتىلۋدە.

سودان كەيىن اۋا تەمپەراتۋراسى تۇندە 10-17- گرادۋس، كۇندىز 1-8- گرادۋسقا دەيىن بىرتىندەپ تومەندەيدى دەپ بولجانۋدا.