ءال- فارابي اتىنداعى قازاق ۇلتتىق ۋنيۆەرسيتەتىندە توتە جازۋ وقىتىلادى

استانا. قازاقپارات - ءال- فارابي اتىنداعى قازاق ۇلتتىق ۋنيۆەرسيتەتىندە توتە جازۋ ساباقتارى وقىتىلا باستادى. بۇل تۋرالى اتالعان ۋنيۆەرسيتەتتىڭ ا. بايتۇرسىن ۇلى اتىنداعى قازاق ءتىل ءبىلىمى كافەدراسى حابارلادى.

بۇل شارا ا. بايتۇرسىن ۇلىنىڭ 150 جىلدىعىنا وراي ۇيىمداستىرىلۋدا.

«عالىمنىڭ ءوز ءادىسى بويىنشا توتە جازۋدى ۇيرەتۋ باستالدى. ساباق جۇما سايىن 17:00-18:00 ارالىعىندا فيلولوگيا فاكۋلتەتىنىڭ 301 ءدارىسحاناسىندا وتەدى»، - دەلىنگەن حابارلامادا.

ۇلت ۇستازى ا. بايتۇرسىن ۇلى اراب جازۋىنىڭ قازاق ءتىلى ءۇشىن قولايلى ەمەس جاقتارىن تۇزەپ، 1912 -جىلى ۇلتىمىزدىڭ وزىنە ءتان دىبىستىق ەرەكشەلىكتەرىن ساقتاي وتىرىپ، توتە جازۋدى ءالىپبيىن جاساپ شىعارعان بولاتىن. بۇل جازۋ 1913- 1929 -جىلدارى مەكتەپتەردە وقىتىلىپ كەلدى. ءالىپبيدى قىتايداعى قازاقتار بۇگىنگە دەيىن قولدانىپ كەلەدى.

ايتا كەتەيىك، «قازاقپارات» ح ا ا شەتەلدەگى قازاقتاردى اقپاراتتىق تۇرعىدا قامتاماسىز ەتۋ ماقساتىندا 2009 -جىلدىڭ قازان ايىنان باستاپ توتە جازۋمەن اقپارات تاراتىپ كەلەدى. سونداي- اق توتە جازۋدى ۇيرەنگىسى كەلەتىن وقىرماندار ءۇشىن ارنايى توتە جازۋ ۇيرەتۋ ساباقتارى دايىندالىپ سايتقا ورنالاستىرىلدى.

اۆتور

ريزابەك نۇسىپبەك ۇلى