سايلاۋ: مەملەكەتتىك تىلدەن ەمتيحان تاپسىرعان كانديداتتار قانداي ناتيجە كورسەتتى
«ق ر پرەزيدەنتتىگىنە ۇمىتكەرلەردىڭ مەملەكەتتىك ءتىلدى قانشالىقتى مەڭگەرگەنىن انىقتايتىن لينۆيستيكالىق كوميسسيانىڭ قۇرامىنا كورنەكتى لينگۆيست عالىمدار، پروفەسسورلار، اكادەميكتەر، فيلولوگيا عىلىمدارىنىڭ دوكتورلارى جانە ىشىندە فيلولوگيا عىلىمىنىڭ ءبىر كانديداتى بار. كوميسسيا مۇشەلەرى القالى تالداۋ وتكىزىپ سودان كەيىن عانا شەشىم قابىلدادى. ەمتيحاندار ادىلدىك پەن شىنايىلىقتى ساقتاي وتىرىپ، تەڭ قۇقىلى نەگىزدە جۇزەگە استى. كانديداتتاردىڭ ەمتيحانعا دايىندالۋىنا، كوميسسيا الدىندا جاۋاپ بەرۋىنە قاجەتتى جاعداي تولىق جاسالدى. «اۋىل» پارتياسىنىڭ اتىنان تۇسكەن [جيگۋلي دايرابايەۆ] ازاماتتا قاتە وتە از بولدى. ويتكەنى، ءتىلى جۇيرىك ەكەن. ول اۋىلدا تۋىپ-وسكەن ازامات بولعاننان كەيىن بارلىق تاقىرىپتا تازا سويلەپ، ويىن ەركىن جەتكىزدى. مىسالى، ايەل كانديداتتاردىڭ ىشىندە دە ونداي ازاماتتاردى بايقادىق. وي-ءورىسى كەڭ، ويىن انىق جەتكىزە الادى. ءبىز تەك ەملە قاتەلەرىن عانا ەمەس، ولاردىڭ تاجىريبەسىن، انا تىلىنە دەگەن سۇيىسپەنشىلىگىن، تاقىرىپتى اشا ءبىلۋىن جان-جاقتى تالداي وتىرىپ باعالادىق»، - دەدى لينگۆيستيكا كوميسسياسىنىڭ ءتوراعاسى ءادىل احمەتوۆ.
سونىمەن قاتار، لينگۆيستيكالىق كوميسسيا مۇشەسى انار فازىلجانوۆا ەمتيحان تاپسىرعان بۇكىل ۇمىتكەردە ەملە قاتەلەرى بولعانىن اتاپ ءوتتى.
«جاسىراتىنى جوق، ۇمىتكەرلەردىڭ ىشىندە ءبىر دە ءبىر ەملە قاتەسىن جىبەرمەي ءماتىن جازعانى بولعان جوق. بۇل ۇمىتكەرلەرىمىزدىڭ جازۋ داعدىسىنىڭ وسالدىعىن بىلدىرمەيدى. بۇل جازۋ كوممۋنيكاتسياسىنىڭ ءتىلدىڭ ەڭ كۇردەلى سالاسى ەكەنىن بىلدىرەدى»، - دەدى انار فازىلجانوۆا.
ايتا كەتەيىك، بۇعان دەيىن قۇجات تاپسىرعان 12 كانديداتتىڭ 8 ءى مەملەكەتتىك ءتىل سىناعىنان ءوتىپ، بارلىعى قازاق ءتىلىن ەركىن مەڭگەرگەنىن راستادى.
ال حالىقتىق كواليتسيا اتىنان ۇسىنىلعان پرەزيدەنت قاسىم-جومارت توقايەۆ ق ر كونستيتۋتسيالىق زاڭىنىڭ 54-بابى 2-تارماعىنا سايكەس، مەملەتتىك تىلدەن ەمتيحان تاپسىرمايدى.
سونىمەن قاتار، بۇگىن ورتالىق سايلاۋ كوميسسياسى قۇجات تاپسىرعان 3 كانديداتتى تىركەۋدەن باس تارتتى. جاۋاپتى ورگان مالىمەتىنشە، ولاردىڭ كانديداتۋراسى زاڭ تالاپتارىنا ساي كەلمەيدى.
