ەلىمىزدە ءبىر جىلدا تەمەكى تارتاتىن جاستار كوبەيدى - ستاتيستيكا

استانا. قازاقپارات - ءبىر جىلدا جاستار اراسىندا شىلىم شەگەتىندەر ارتتى. بۇل تۋرالى ۇلتتىق ساتيستيكا بيۋروسىنان ءمالىم ەتتى.

ەرەسەك حالىقتىڭ تەمەكى تۇتىنۋىنا قاتىستى جۇرگىزىلگەن زەرتتەۋگە سايكەس، ساۋالناماعا قاتىسقانداردىڭ 20,4 پايىز تەمەكى تارتادى (تەمەكى تارتپايتىندار - 79,6 پايىز)، ەر ادامداردىڭ 38,4 پايىز، (تەمەكى تارتپايتىندار - 61,6 پايىز)، ايەلدەردىڭ 8,4 پايىز تەمەكى ونىمدەرىن تۇتىنادى (تەمەكى تارتپايتىندار - 91,6 پايىز).

رەسپوندەنتتەردىڭ 16,6 پايىز كۇن سايىن شىلىم شەكسە، 3,8 پايىز - اندا-ساندا.

تەمەكى تۇتىنىنەن ءوز ۇيىندە زارداپ شەگىپ جۇرگەن تۇرعىندار ۇلەسى - 12,8 پايىز، جۇمىستا - 8,1 پايىز، قوعامدىق تاماقتانۋ ورىندارىندا - 10,5 پايىز، ولاردىڭ باسىم كوپشىلىگى (93 پايىز استامى) شىلىم شەكپەيتىن ادامدار.

تۇرعىندارى تەمەكى ونىمدەرىن ەڭ كوپ تۇتىناتىن وڭىرلەر: قاراعاندى (25,4 پايىز)، پاۆلودار جانە جامبىل وبلىستارى (24,6 پايىز) .

ساۋالناماعا قاتىسقانداردىڭ 85,5 پايىز اتالعان جامان ادەت اۋىر سىرقاتتار تۋدىرادى دەپ سانايدى. قوعامدىق ورىنداردا تەمەكى تارتۋعا تىيىم سالۋ تۋرالى زاڭنامانى قولدايتىندار - 67,7 پايىز.

2022 -جىلى بىلتىرمەن سالىستىرعاندا 18-28، سونداي- اق 60 (63) جانە ودان جوعارى جاس توپتارىنداعى ازاماتتار اراسىندا شىلىم شەگەتىندەر ارتقان. قالعان جاس توپتارىندا ازايعان.

EL. KZ