قاجەتتى اقپاراتتى ەستە ساقتاۋدىڭ ادىستەرى

استانا. قازاقپارات - ەگەر ءسىز حالىقتىڭ الدىنا شىعاتىن بولساڭىز، ايتاتىن ماتەريالدى جيناقتاپ، دايىندالۋىڭىز كەرەك.

قازىرگى كۇنى ماماندار «جاپپاي جاتتاۋدى» قاتە ءادىس دەيدى. سول سەبەپتى نازارلارىڭىزعا ماتەريالدى جاتتاۋدىڭ 2 ءادىسىن ۇسىنامىز: 1. ەگەر دايىندىققا 2 كۇندەي ۋاقىتىڭىز بولسا، مىناداي رەتپەن دايىندالىڭىز:

- العاشقى قايتالاۋ - ءبىر رەت وقىپ بولعان بويدا؛ - ەكىنشى رەت قايتالاۋ - ءبىرىنشى رەت قايتالاعاننان كەيىن 20 مينۋت وتكەن سوڭ؛ - ءۇشىنشى رەت قايتالاۋ - ەكىنشى رەت قايتالاعاننان كەيىن 8 ساعات وتكەن سوڭ؛ - ءتورتىنشى رەت قايتالاۋ - ءۇشىنشى رەت قايتالاعاننان كەيىن 24 ساعات وتكەن سوڭ.

2 . ەگەر ۋاقىتىڭىز شەكتەلمەگەن بولسا، ونىڭ ۇستىنە اقپاراتتى ۇزاعىراق ەستە ساقتاۋ ءۇشىن مىنا ءادىستى پايدالانۋعا بولادى: - العاشقى قايتالاۋ - ءبىر رەت وقىپ بولعان بويدا؛ - ەكىنشى رەت قايتالاۋ - ءبىرىنشى رەت قايتالاعاننان كەيىن 20-30 مينۋت وتكەن سوڭ؛ - ءۇشىنشى رەت قايتالاۋ - ەكىنشى رەت قايتالاعاننان كەيىن 1 كۇن وتكەن سوڭ؛ - ءتورتىنشى رەت قايتالاۋ - ءۇشىنشى رەت قايتالاعاننان كەيىن 2-3 اپتا وتكەن سوڭ؛ - بەسىنشى رەت قايتالاۋ - ءتورتىنشى رەت قايتالاعاننان كەيىن 2-3 اي وتكەن سوڭ. وسى ادىستەردى قولدانىپ كورىڭىز.