قىتايدا «تۇنگى ەكونوميكا» قارقىندى دامىپ كەلەدى

استانا.قازاقپارات - قىتايدا حالىقتىڭ جارتىسىنان كوبى ساۋدا- ساتتىقتى كەشكى جانە تۇنگى ۋاقىتتا جاسايدى ەكەن. مۇنى وسى ەلدىڭ ساۋدا مينيسترلىگىنىڭ زەرتتەۋى كورسەتىپ وتىر.

جەرگىلىكتى بيلىك تۇرعىنداردى ىنتالاندىرۋ ءۇشىن وسى ەرەكشەلىكتى پايدالانۋعا كۇش سالىپ جاتىر. كەش قارايا ۇلى قىتاي قورعانى جارىققا بولەنەدى. بۇل ۇنگى ەكونوميكانى، ياعني ادامداردىڭ كەشكى ۋاقىتتاعى تۇتىنۋنشىلىعىن ىنتالاندىرۋ ءۇشىن قولعا الىنعان شارانىڭ ءبىرى. سەبەبى قىتايدا تۇرعىنداردىڭ 60 پايىزى كورىكتى جەرلەر مەن ساۋدا ورىندارىنا كەشكى جانە تۇنگى ۋاقىتتا ساياحات شەگەدى ەكەن. بۇل ءۇردىس شاعىن ساۋداگەرلەردىڭ دە مول تابىس كوزىنە اينالعان.

حۋان فەن، ساۋداگەر:

- مەن كۇندىز جۇمىس ىستەيمىن. تۇندە بوسپىن. ەكى بالام بار. سوندىقتان كوبىرەك تابىس تابۋ ءۇشىن ءوز دۇڭگىرشەگىمدى اشتىم. بيلىك تە مۇنداي ساۋداگەرلەر ءۇشىن رۇقسات بەرۋدى جەڭىلدەتكەن.

وسىلايشا كەشكى ۋاقىتتاعى ساۋداعا قولداۋ كورسەتىلەدى. جالپى قىتايدا تۇنگى ەكونوميكا 2016 -جىلى باستالىپ، پاندەميا كەزىندە قارقىندى داميدى. 2020-جىلدىڭ سوڭىندا سالانىڭ كىرىسى 30 تريلليون يۋان، ياعني، 4 تريليون دوللارعا جەتتى. تۋريزم، شوپينگ، ويىن- ساۋىق جانە فيتنەس سالالارى دا كاسىبىن بەيىمدەۋگە كوشكەن.

بليتس:

- ءبىز قالانى تۇندە تاماشالاۋ ءۇشىن ارنايى كەلدىك.

- بۇگىن قىتايدىڭ قۇرىلعان كۇنى عوي. سوندىقتان تۇنگى قورعاندى كورسەك دەيمىز. اسىرەسە تۇنگى قويىلىمداردى تاماشالاماقپىز. جۇرتتى اسىرەسە مەيرام كەزىندەگى تۇنگى ءومىر قىزىقتىرادى. مۇنداي كەزدە قولايسىز اۋا رايىنا قاراماستان تۋريستىك ورىنداردا ادام قاراسى كوپ بولادى. سوندىقتان بيلىكتىڭ بيىل تۇنگى ەكونوميكا كىرىسى 6 تريلليون دوللارعا جەتەدى دەپ بولجاۋى بەكەر ەمەس.

بوتاگوز سىرعابايەۆا

www.24.kz