13:42, 07 - قازان 2022 | GMT +6
ق ر ۇ ق ك الماتى دەپارتامەنتى باستىعىنىڭ بۇرىنعى ورىنباسارى قاماۋعا الىندى
الماتى. قازاقپارات- ۇلتتىق قاۋىپسىزدىك كوميتەتىنىڭ الماتى قالاسى بويىنشا دەپارتامەنتى باستىعىنىڭ بۇرىنعى ورىنباسارى تالعات مۇقانوۆ سوت شەشىمىمەن ەكى ايعا قاماۋعا الىندى، دەپ حابارلايدى قازاقپارات ءتىلشىسى.
مۇقانوۆقا جانە باسقا دا تۇلعالارعا قاتىستى الاياقتىق فاكتىسى بويىنشا قىلمىستىق ءىستى ق ر سىبايلاس جەمقورلىققا قارسى ءىس- قيمىل اگەنتتىگى مەن ۇلتتىق قاۋىپسىزدىك كوميتەتىنىڭ ۆەدومستۆوارالىق تەرگەۋ- جەدەل توبى تەرگەپ جاتىر.
«2022 -جىلعى 5- قازاندا تالعات مۇقانوۆ سوت قاۋلىسىمەن ەكى اي مەرزىمگە قاماۋعا الىندى. ق ر قىلمىستىق- پروتسەستىك كودەكسىنىڭ 201-بابىنا سايكەس باسقا اقپارات جاريا ەتىلمەيدى»، - دەپ حابارلادى ۆەدومستۆونىڭ باسپا ءسوز قىزمەتىنەن.
اۆتور
الما مۇقانوۆا
