الداعى اپتادا قازاقستانعا ءۇش ەلدىڭ پرەزيدەنتى مەملەكەتتىك ساپارمەن كەلەدى

استانا. قازاقپارات - مەملەكەت باسشىسى قاسىم-جومارت توقايەۆ الداعى اپتادا ءبىرقاتار حالىقارالىق ءىس-شاراعا قاتىسادى، دەپ حابارلايدى قازاقپارات اقورداعا سىلتەمە جاساپ.

اتاپ ايتقاندا، 11-12-قازاندا قاتار ءامىرى شەيح ءتاميم بەن حاماد ءال تانيدىڭ قازاقستانعا مەملەكەتتىك ساپارى جوسپارلانعان.

12-13-قازاندا تۇركيا پرەزيدەنتى رەجەپ تايپ ەردوعان ەلىمىزگە مەملەكەتتىك ساپارمەن كەلەدى.

13-قازاندا قاسىم-جومارت توقايەۆتىڭ توراعالىعىمەن ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ VI سامميتى وتەدى. شارا اياسىندا پرەزيدەنت مەملەكەتتەر مەن ۇكىمەتتەر باسشىلارىمەن، سونداي-اق حالىقارالىق ۇيىمداردىڭ جەتەكشىلەرىمەن ءبىرقاتار ەكىجاقتى كەزدەسۋ وتكىزەدى.

14-قازاندا ەلوردامىزدا پرەزيدەنت قاسىم-جومارت توقايەۆتىڭ توراعالىعىمەن ت م د مەملەكەتتەرى باسشىلارى كەڭەسى جانە «ورتالىق ازيا - رەسەي» سامميتى جوسپارلانعان.

15-قازاندا قازاقستانعا تۇرىكمەنستان پرەزيدەنتى سەردار بەردىمۇحامەدوۆ مەملەكەتتىك ساپارمەن كەلەدى.