19:35, 06 - قازان 2022 | GMT +6
ەلدوس سمەتوۆ الەم چەمپيوناتىنىڭ قولا جۇلدەگەرى اتاندى
استانا. قازاقپارات - تاشكەنت قالاسىندا دزيۋدودان ءوتىپ جاتقان الەم چەمپيوناتىندا قازاقستاندىق ەلدوس سمەتوۆ قولا جۇلدەگەر اتاندى، دەپ حابارلايدى قازاقپارات ءتىلشىسى.
بۇعان دەيىن سپورتتىق جولىندا باسقا اتاقتارىن ايتپاعاندا، ەكى دۇركىن وليمپيادا جۇلدەگەرى، الەم چەمپيونى اتانعان ەلدوس 60 كەلىگە دەيىنگى سالماقتا قولا جۇلدە ءۇشىن باسەكەدە وزبەكستاندىق ديلشودبەك باراتوۆپەن تاتاميگە شىقتى.
تارتىستى بەلدەسۋدە قوسىمشا ۋاقىتتا ءادىس قولدانىپ، ۆازاري ۇپايىن العان ەلدوس جەڭىسكە جەتتى.
وسىلايشا، جارىستىڭ العاشقى كۇنى ەلدوس سمەتوۆ قازاقستان قورجىنىنا ەكىنشى مەدالدى سالدى.
ەسكە سالا كەتەيىك، بۇدان بۇرىن دزيۋدودان الەم چەمپيوناتىنا قاتىساتىن قازاقستان قۇراماسى انىقتالعانىن جازعان بولاتىنبىز.
ءابيبا ابۋجاقىنوۆا قازاق قىزدارى اراسىنان العاش رەت الەم چەمپيوناتىنىڭ جۇلدەگەرى اتاندى.
